Foto: Rahım Qoılybaev
Tasqyn sýdan shaǵyn orta bıznes ıeleri de zardap shegip otyr. Qazir 6 kásipkerlik nysanynyń aýlasyna sý kirgen.
«Qulsary qalasynda 31 naýryzdan beri turǵyndar kóshirilip jatyr. Búgin, 7 sáýirde saǵat 08:00-degi málimetke sáıkes, Qulsary qalasyndaǵy «Atyraý», «Dostyq», «Mıras», «Jadyrasyn», «Mereı», «Shuǵyla», Meshit mańy aýylynan 29 545 adam qaýipsiz jerge evakýasııalandy. Onyń ishinde 7 396 bala bar. Evakýasııalyq pýnktterge 8 011 adam ornalastyryldy. Olardyń 4578-i – balalar», dep málim etti oblystyq jedel shtab.
