Qazaqstan • 07 Sáýir, 2024

Erlikpen qaza tapqan 17 sarbazdy eske alý rásimi ótti

432 ret

kórsetildi

1 mın

oqý úshin

Osydan týra 29 jyl buryn 7 sáýirde Pamır taýyndaǵy Pshıhavr shatqalynda bes saǵatqa sozylǵan qarýly qandy qaqtyǵys kezinde ishki áskerdiń 17 jaýyngeri erlikpen qaza taýyp, 33-i aýyr jaraqat aldy. Sodan beri jyl saıyn 7 sáýir – Erlik kúni bolyp sanalady. Qazaqstan batalonynyń quramynda tájik-aýǵan shekarasyn kúzetken shekarashylar qaza tapqan jaýyngerlerdiń esimin ulyqtaýdy dástúrge aınaldyrǵan.

Egemen Qazaqstan

Erlikpen qaza tapqan 17 sarbazdy eske alý rásimi ótti

UQK Shekara qyzmeti Almaty oblysy boıynsha departamentiniń Qarasaı aýdany boıynsha shekara basqarmasynyń jeke quramy tájik-aýǵan shekarasynyń ardagerlerimen birge 7 sáýirde erlikpen qaza tapqan Ulttyq ulannyń 17 sarbazyn eske aldy.

Is-sharada sóz sóılegen zapastaǵy polkovnık Serik Jaǵabaev sol jyly Tájikstannyń shekarasyn kúzetýge attanǵan 7-nshi rotanyń dárigeri bolyp taǵaıyndalǵan bolatyn. Shekarashy sardar Pshıhavr shatqalynda bes saǵatqa sozylǵan qarýly qandy qaqtyǵys týraly óziniń estelikterimen bólisti.

Is-shara barysynda ardagerler men shekara basqarmasynyń jeke quramy atalǵan qaza tapqan jaýyngerlerge arnalǵan eskertkishke gúl shoqtaryn qoıdy. Erlikpen qaza tapqan 17 sarbazdyń rýhtaryna taǵzym etti.

UQK