Torǵaıdaǵy evakýasııa pýnktterinde jatqan Táýish, Kólqamys, Aralbaı eldi mekenderiniń turǵyndary aýyldaryna tikushaqpen jetkizildi. Tenteksaı aýylynyń tórt otbasy Jarkól aýylynda. Jergilikti ákimdik olarǵa baspana berip, turmysqa qajetti zattarmen qamtamasyz etken.
Torǵaı aýylyndaǵy evakýasııalyq pýnktterdegi barlyǵy 600-den astam adam aýyldaryna oralyp, evakýasııalyq ortalyqtar jabylǵan. Jergilikti bılik atalǵan aýyldardyń turǵyndarynyń turmysyna qajet azyq-túlik, kıim-keshekti tikushaqpen jetkizip berdi. Mundaı kómek kólik qatynasy úzilgen eldi mekenderge jol qalpyna kelgenshe turaqty túrde kórsetiletin bolady.
Sondaı-aq óńirde sý tasqyny saldarynan kelgen shyǵyndy esepteý, baǵalaý komıssııasy jumys istep jatyr. Atalǵan komıssııaǵa Jangeldın aýdany boıynsha búginge deıin 58 ótinish kelip túsken. Munyń syrtynda, turǵyndarǵa 50 AEK kóleminde áleýmettik ótemaqy tólendi. 8 sáýirdegi málimet boıynsha 32 turǵynǵa 5,9 mln teńge áleýmettik kómek berilgen.
Komıssııa jumysyn jalǵastyrady.
Qostanaı oblysy
