Byltyr memlekettik satyp alý portaly arqyly 63 páterge respýblıkalyq bıýdjetten 642 mln teńge bólingen. Turǵyn úı komıssııasy 30 taldyqorǵandyqtyń ótinishin qarap, jańa baspananyń kiltin ıelerine tabystady. Al qalǵan 33 páter kezekte turǵan turǵyndarǵa aldaǵy ýaqytta beriledi dep josparlanyp otyr.
Kópten kútken qýanyshyna jetip, júzderi bal-bul janǵan kópshilikti Taldyqorǵan qalasy ákiminiń orynbasary Jeńis Andabekov arnaıy quttyqtap, ystyq yqylasyn jetkizdi.
«Biz kezekte turǵan turǵyndarǵa, barlyq zańdylyqty saqtaı otyryp, páter kiltin tabys ettik. Úı kezeginde turǵan halyq sanyn azaıtý – Memleket basshysynyń nazaryndaǵy basty másele bolǵandyqtan, jiti qadaǵalaýymyzda. Jumystyń ashyq, ádil júrgizilýin biz tikeleı nazarǵa alamyz. Eshqandaı da zańbuzýshylyq bolǵan. О́kinishke qaraı, qala halqynyń 15 myńnan astamy baspanaǵa muqtaj. Bul másele kezeń-kezeńimen sheshiledi. Keıingi eki jylda oblys ortalyǵynda, onyń ishinde halyqtyń áleýmettik osal toptaryn turǵyn úımen qamtamasyz etý jumysy júıeli atqaryldy. Dál osy qarqynmen jumys júrgizilse, kezek te birshama qysqarady. Al búgingi qýanysh ıelerin shyn júrekten quttyqtaımyz! Endigi tilek shańyraqtan shattyq pen balanyń kúlkisi úzilmese deımiz», dedi qala ákiminiń orynbasary J.Andabekov.
2008 jyldan beri baspana kezeginde turǵan kópbalaly ana Kúlára Erkebaeva 3 bólmeli páterdiń kiltin ıelendi. Qýanyshtan kózine jas alǵan bes balanyń anasy Edil men Jaıyq esimdi egiz ulyn ómirge alyp kelgen sátte baspanaǵa kezekke turǵan. Qazir sol uldary – 17 jastaǵy tepse temir úzetin jigitter. Birligi men berekesi jarasqan otbasy páter jaǵalap, talaı tabaldyryqty tozdyrǵanyn kózine jas alyp eske alady. Obaǵa qarsy bekette medbıke bolyp jumys isteıtin taldyqorǵandyq kelinshek memlekettiń qamqorlyǵyna dán
rıza.
Páter kiltin tabystaý saltanatyna Qaıynjamal Átkenova balalarymen, týǵan-týystarymen keldi. Ol memleketke baspana máselesin sheshýge qoldaý kórsetkenine analyq alǵysyn jetkizdi.
«Zeınetker, eńbek ardageri retinde 2005 jyly turǵyn úı kezegine turdym. 8 balam, 18 nemerem bar. Búgin bir bólmeli páter aldym. Memleket basshysyna, oblys, qala ákimderine rızashylyǵymdy bildirip, elimizdiń árbir azamatynyń shańyraǵy bıik, bosaǵasy berik bolsyn dep tileımin. Eń bastysy, tynysh zamanda tatý-tátti ómir súreıik», deıdi 88 jastaǵy Qaıynjamal áje. Aıta keteıik, aldaǵy ýaqytta kezekte turǵan otbasylarǵa áli de baspana kilti tabystalady. Jergilikti bılik ókilderi Memleket basshysyn tapsyrmasyna saı halyqty tolyqtaı pátermen qamtýǵa kúsh salyp jatyr.
Jetisý oblysy
