Akademıktiń mereıtoıyna oraı óńirimizde «О́ner qamqorshysy» jobasy iske asyryldy. Ǵylymı-zertteý jumysyn ázirleýge «Mýzykalyq kolledj – daryndy balalarǵa arnalǵan mýzykalyq mektep-ınternat» kesheni oqytýshylary at salysty.
Joba jetekshisi - Qazaqstan Respýblıkasynyń Mádenıet úzdigi Serik Qasymhanuly Syzdyqov. Ádistemelik usynymnyń avtorlary jáne qurastyrýshy-resimdeýshileri: Gýlnar Dýısenovna Kapasheva, Dınara Serıkovna Abetova, Asel Daýtovna Arynova, Galııa Magzýmovna Shapıeva, Shynar Jetpısbaevna Trýsheva, Aınýr Alpysbaevna Karashına.
Bul jobanyń maqsaty – Qanysh Sátbaevtyń mýzykadaǵy kelbetin jáne onyń dástúrli án mádenıetin saqtaýǵa, óskeleń urpaq arasynda qazaq án murasyn nasıhattaýǵa qosqan úlesin ashý.
Shara barysynda Qanysh Sátbaev «О́ner qamqorshysy» atty qalamyzdyń «Mýzyka» páni oqytýshylaryna arnalǵan ádistemelik jınaqtyń týsaýy kesildi. Bul ádistemelik usynymdar Q.Sátbaevtyń oryndaýyndaǵy A.Zataevıchpen jazyp alynǵan ánderge negizdelip jazylǵan. Materıaldyń ózektiligi qazaqtyń án shyǵarmalaryn keńinen nasıhatttaýǵa jáne olardy jalpy qosymsha bilim berý júıesine engizýge baǵyttalǵan.
Sonymen qatar is-sharada Isa Baızaqov atyndaǵy oblystyq fılormonııanyń ártisteri Qanysh Imantaıuly A. Zataevıchtiń jınaǵyna engizgen ánderin, Qanysh aǵanyń unatyp aıtqan ánderin, halyq ánderin shyrqady.
