Senatordyń aıtýynsha, depýtattar bıznes qaýymdastyǵynyń ókilderimen jáne elimizdiń azamattarymen birge qoldanystaǵy Salyq kodeksiniń problemalyq máselelerin talqylaý jóninde birqatar kezdesý ótkizdi. Ondaǵy eń jıi kóteriletin máselelerdiń biri – «E-Tamga» QQS-tólemder júıesin engizý, ol ýaqtyly tóleý, baqylaý sharalaryn qysqartý jáne QQS-ty avtomatty túrde qaıtarýdy qamtamasyz etedi. Sondaı-aq usynystar qatarynda quramynda qant bar sýsyndarǵa aksızder engizý de bar. Zııandy ónimderdi tutynýdy azaıtý jáne bıýdjet kirisin arttyrý basty mindet bolyp otyr.
«Áleýmettik sala ekonomıkadaǵy sezimtal salalardyń biri ekenin eskere otyryp, oǵan KTS mólsherlemesin 10%-dan aspaıtyn etip belgileýdi usynamyz. Bul rette óz quryltaıshylaryna dıvıdend tóleý quqyǵy berilýi kerek. Sondaı-aq QQS ákimshiligin reformalaý máselesin qarastyrý mańyzdy, óıtkeni qoldanystaǵy tártip elektrondyq shot-faktýralar negizinde salyqty basqarý salyqtyq alshaqtyqqa ákeledi. Osyǵan baılanysty «E-Tamga» QQS-tólemder júıesin engizý qajet. Sonymen qatar jaqynda kameralyq baqylaý bıznes pen salyq organdary arasyndaǵy kóptegen daýǵa ákelip soqtyrady. Bul shyn máninde qashyqtan salyq tekserýi bolyp sanalady. Osyǵan baılanysty zań buzýdy joıý týraly habarlama tujyrymdamasyn yqtımal alshaqtyqtyń aldyn alý týraly tujyrymdama boıynsha qaıta qarastyrý kerek. Zeınetaqy tólemi kezinde JTS salý boıynsha máseleni qaıta kóterý kerek», dedi senator.
