Júkti áıeldi anevrızmadan qutqardy

Bas aýrýy kúsheıe bastaǵan soń, oǵan mıdy MRT ótkizý usynylǵan. MRT-da mı­dyń oń jaǵyndaǵy artqy arterııasynyń úl­ken anevrızmasy anyqtaldy. Munyń kó­lemi ulǵaıǵandyqtan, janyndaǵy júıke qury­lymdaryn qysyp, kez kelgen ýaqytta jarylyp ketý qaýpin týdyrady. Bul jaǵdaıdyń kúrdeliligi, júktiliktiń 20-aptasynda neıro­hırýrgııalyq operasııa jasaý jóninde shuǵyl sheshim qabyldaý qajet boldy.

Sóıtip, Almaty jáne Astana qalalary neırohırýrgteriniń birlesken talqylaýynan keıin sanıtarlyq avıasııa jelisi boıynsha pasıent odan ári jedel emdeýge Ulttyq neırohırýrgııa ortalyǵyna jetkizildi. Ulttyq neırohırýrgııa ortalyǵyna jatqyzǵan kezde naýqasty Ana men bala ulttyq ǵylymı ortalyǵynyń anestezıologteri men akýsher-gınekologteri de tekserýge daıyn boldy. Hırýrgııalyq aralasý men atalǵan aýrýdyń qaýiptiligine qaramastan operasııa jasaý jáne júktilikti saqtap qalý týraly sheshim qabyldandy.

Qýanyshtysy, operasııa sátti ótti. Kez kelgen sátte jarylýy múmkin «bomba» zalal­syzdandyryldy. Neırohırýrgter júr­gizilgen jumystyń nátıjesi oıdaǵy­daı ekenin aıtty. Naýqasty emdeýge anes­tezıolog-reanımatologter men akýsher-gınekologter de belsendi qatysty.

Operasııadan keıin naýqasqa qosymsha zertteýler júrgizgen akýsher-gınekologter qaıta qarap, tekserýden ótkizdi. Jatyrdaǵy sharana men júktilik barysynda eshqandaı patologııa anyqtalǵan joq. Qazir bolashaq ananyń densaýlyǵy jaqsy jáne úıge shyǵýǵa daıyndalyp jatyr.

Mı tamyrlarynyń anevrızmasyna operasııa jasaý – mamandardyń joǵary bilik­tiligin talap etetin, zamanaýı medısına­lyq jab­dyqty qajet etetin eń kúrdeli hırýr­gııa­lyq aralasýlardyń biri. Operasııany Tamyrly jáne fýnksıonaldy neırohırýrgııa bólimshesiniń meńgerýshisi Erbol Mahambetov pen neırohırýrg dáriger Nurtaı Nuraqaı júrgizdi.

Bul operasııa tegin, ıaǵnı MÁMS aıasynda kvo­ta arqyly jasaldy. Aıta keteıik, mun­daı operasııa quny sheteldik azamattarǵa  aqy­­­ly negizde shamamen 5 mln teńge bolar edi.

Ulttyq neırohırýrgııa ortalyǵynyń dárigerleri mundaı kúrdeli jaǵdaı kezinde ana men bala ómirin tańdaýǵa májbúrleıtin másele týyndamaıtynyn atap ótti. О́ıtkeni neırohırýrgııa men anestezıologııadaǵy jetistikter ana men balanyń ekeýiniń de ómirin saqtaýǵa múmkindik beredi.