Jetisý oblysynyń Polısııa departamenti men Ulttyq qaýipsizdik komıtetiniń oblystyq departamenti prokýratýra qyzmetkerlerimen birlesip, esirtki zerthanasyn joıý boıynsha arnaıy operasııa júrgizdi.
«Jedel izdestirý sharalary barysynda Almaty oblysynyń Ile aýdanyndaǵy saıajaıda sıntetıkalyq esirtki zattaryn óndirýmen aınalysqan 22 jastaǵy qyzdyń jeke basy anyqtaldy», dedi oblystyq Polısııa departamentiniń basshysy Sarqytbaı Qusaıynov.
Saıajaıdy tintý kezinde 44 kelige jýyq mefedron men 2 kelige jýyq sıntetıkalyq pırrolıdınovalerofenon – @PVP zaty, reagentter men esirtki óndirýge qajetti zattar, sondaı-aq 28 myń dollar kólemindegi qolma-qol aqsha tabylyp, tárkilendi.
Polısııanyń málimetinshe, atalǵan zerthanada óndirilgen esirtki zattary Qazaqstan aýmaǵynda Telegram messendjeri arqyly satylǵan.
Atalǵan fakti boıynsha qylmystyq is qozǵaldy, tergeý amaldary jalǵasyp jatyr.
