Shahar basshysynyń málimdeýinshe, qoǵamdyq kólikter I toptaǵy múgedekterdi, «Batyr ana», «Altyn alqa», «Kúmis alqa» tósbelgisi bar analardy, tyl ardagerlerin, zaǵıp jandar men olardy alyp júretin kisilerdi bul kúnde tegin tasymaldaıdy. Sonymen qatar qazirgi tańda jeti men on segiz jastaǵy mektep oqýshylary jolaqy qunynyń jartysyn tólese, stýdentterdiń bılet baǵasy 50 teńgeni quraıdy. Endigi rette jergilikti ákimdik halyqtyń áleýmettik jaǵdaıyn eskere otyryp, 1 mamyrdan bastap qoǵamdyq kólikte tegin júretin azamattardyń sanatyn taǵy da arttyrmaqshy.
Atap aıtqanda, Ekinshi dúnıejúzilik soǵys ardagerleri jáne olarǵa teńestirilgen ardagerler, basqa memleketterdiń aýmaǵynda urys qımyldaryna qatysqandar, Qazaqstannyń Eńbek erleri, soǵys jyldarynda tyldaǵy qajyrly eńbegi men minsiz áskerı qyzmeti úshin burynǵy KSRO ordenderimen jáne medaldarymen nagradtalǵandar, saıası qýǵyn-súrgin qurbandary, II top múgedekteri, múgedektigi bar balalar, 70 jastan asqan zeınetkerler, mektep oqýshylary.
О́z kezeginde qala ákimi jolaýshylar tasymalyn uıymdastyrý men onyń sapasy ákimdiktiń tikeleı baqylaýynda turǵanyn, osynaý qyzmetti jaqsartýǵa atqarýshy bılik tarapynan barlyq múmkindik jasalyp jatqanyn jetkizdi.
ShYMKENT
