Foto: saryarka-samaly.kz
Oblystyq bilim basqarmasy basshysynyń orynbasary Oryntaı Bımanovanyń aıtýyna qaraǵanda, mundaı sheshimge Oqý-aǵartý mınıstrliginiń 10 sáýirdegi hattamasy negiz bolǵan.
«Mınıstrliktiń hattamasynda sý tasqyny bolyp jatqan aımaqtardaǵy oqýshylar bólim boıynsha jıyntyq (BJB) jáne toqsan boıynsha jıyntyq baǵalaýdan (TJB) bosatylatyny naqty aıtylǵan. Osyǵan baılanysty oqýshylar kúndelikti onlaın sabaqqa qatysyp, ár pánnen tapsyrma oryndaý arqyly formatıvtik qalyptastyrýshy baǵasyn alady. Qazir oblys mektepterinde dáris alyp júrgen 149 myń oqýshy bar. Olardyń bári BJB jáne TJB-dan bosatyldy», dedi Oryntaı Bımanova.
Onyń aıtýynsha, Atyraý oblysynda oqýshylarǵa 9 myńǵa jýyq pedagog dáris beredi. Olardyń arasynda biliktilik sanatyn arttyrýǵa arnalǵan attestasııadan ótetin muǵalimder bar.
«Sý tasqynyna baılanysty muǵalimderdiń attestasııadan ótý merzimine ózgeris engizildi. Bıylǵy attestasııa tamyz aıynda ótedi», dedi Oryntaı Bımanova.
