Foto: zhasalash.kz
Din basqarmasy «Neke (erli-zaıyptylyq) jáne otbasy týraly» 2011 jylǵy 26 jeltoqsandaǵy QR Kodeksiniń 2-babynyń 3-tarmaǵynda tek memlekettik organdar qıǵan neke (erli-zaıyptylyq) ǵana moıyndalatynyn túsindire kele, Q.Bıshimbaev pen S.Núkenovadan AHAT bóliminiń qujaty tabandy túrde talap etilmegenin jetkizdi.
«2022 jyldyń 17 qazanynda Astana qalasyndaǵy Respýblıkalyq bas meshitte Q.Bıshimbaev pen S.Núkenovanyń óz ótinishteri boıynsha kýágerlerdiń qatysýymen bolashaq erli-zaıyptylardyń nekesi qıylǵan. Atalǵan azamattardan jáne olardyń týystarynan AHAT bólimine tirkelgenin rastaıtyn kýálik talap etilgende «jasalyp jatyr» dep jaýap bergen. Sonymen qatar dástúrge saı ata-analarynyń batasy men ruqsatyn alǵanyn, salt-dástúr jolymen nekelerin qıyp berýin ótingen», delingen QMDB habarlamasynda.
Sondyqtan, aıtylǵan merzimde eki azamattyń nekesin qıǵan Respýblıkalyq bas meshittiń ımamy Q.Qydyrmınge QMDB-nyń ishki jumys tártibin buzǵany úshin tártiptik shara qoldanylyp, eskertý jasalǵan.
Aıta keteıik, QMDB-nyń ishki jumys tártibiniń tıisti talabyna sáıkes meshit qyzmetkerleri neke qııý rásimi aldynda bolashaq erli-zaıyptylardan Azamattyq hal aktilerin tirkeý (AHAT) bólimine tirkelgenin rastaıtyn kýálikti talap etý kerek.
