Foto: quantpro.ru
Oıyn bıznesine qatysty zań jobasyn talqylaý barysynda Májilis depýtaty Irına Smırnova bılik TikTok jelisinde qumar oıyndardyń zańsyz onlaın translıasııasy máselesin qalaı sheship jatqanyn surady.
Mádenıet jáne aqparat vıse-mınıstri Qanat Ysqaqov vedomstvo bul máseleni sheshýge kirisip ketkenin aıtty. Mınıstrlik TikTok kompanııasymen taǵyz baılanys ornatqan.
«Bizdiń azamattar, ókinishke qaraı, aqshany ońaı tabatyn algorıtmderge jıi túsip jatady. Ondaı siltemeler kún saıyn jasalady, biz bir kún ishinde shamamen 150 siltemeni joıamyz. Sondaı-aq zańsyz kontenttiń basym bóligi shetelde jasalatynyn eskerý qajet, osyndaı zańsyzdyqqa baratyn alaıaqtardy qolǵa túsirý óte qıyn», dedi Qanat Ysqaqov.
Al Ulttyq qaýipsizdik komıteti tóraǵasynyń orynbasary Erlan Aldajumanov zańsyz oıyn bıznesin tikeleı efırde kórsetetin ınternet-resýrstar únemi baqylanatynyn aıtty.
«Komıtettiń tehnıkalyq múmkindikteri atalǵan resýrstardy buǵattaý, jabý úshin paıdalanyp jatyr», dedi Erlan Aldajumanov.
Májilis depýtaty Elnur Beısenbaev áleýmettik jelide zańsyz oıyn bıznesin uıymdastyratyn TikTok qoldanýshylarynyń paraqshalaryn buǵattap, bas bostandyǵyn shektep, iri mólsherde aıyppul salýdy usyndy.
