Aksııaǵa 11 aýyldyq okrýgten jáne aýdannyń barlyq mekemelerinen 500-den astam adam qatysyp, 28 gektar aýmaqty tazartty. Nátıjesinde jalpy 40 tonna qoqys shyǵaryldy, shamamen 5000 metrge jýyq qorshaýlar boıalyp, ákteldi.
Aldaǵy Aıdyndy-Alakól jaǵalaýyndaǵy týrıstik maýsymǵa tolyq daıyn bolý úshin senbilikter mamyr aıynda da jalǵasady.
Osyndaı senbilik sharalarymen qatar, aýdandyq kommýnaldyq mekemelerdiń qyzmetkerleri jyl boıy Alakól kóliniń jaǵasynda da tazalyq jumystaryn júrgizedi.
Aksııaǵa qatysqan eńbek ardageri Naǵıma Jaqııanova jalpy aýdandyq senbilikten tys qalmaýǵa sheshim qabyldaǵan. Ol óz kezeginde birlesken jumys halyqty biriktirip qana qoımaı, tazalyq jumystaryn tıimdi júrgizýge múmkindik beretinin atap ótti.
«Kóptiń aty kóp. Kópshilik birikse, eń qıyn degen sharýanyń ózin atqaryp tastaıdy. Aýdan halqy bolyp jumylyp, taza jerde ómir súrýdi ádetke aınaldyrýymyz kerek», dep bólisti Naǵıma Saparhanqyzy.
Is-sharaǵa belsendi qatysqan mádenıet qaıratkeri Aıjaryq Ábilqasymov mádenıet tutastaı alǵanda tazalyqtan bastalatynyn atap ótti.
«Birinshi kezekte aýdanymyzdyń qurylǵany úshin erekshe alǵys aıtqym keledi. Maqanshy aýdany derbes ákimshilik-aýmaqtyq birlik mártebesin aldy, sonyń arqasynda biz osyndaı bastamalardy barynsha tıimdi uıymdastyryp, júzege asyra alamyz. Senbilikke qatysýdyń óskeleń de, aǵa býynnyń da tárbıelik áseri zor ekenin erekshe atap ótkim keledi. О́skeleń urpaq tazalyq birinshi kezekte óz úıinen bastalatynyn jáne aınaladaǵy tazalyq oı tazalyǵyn bildiretinin este ustaýy qajet», dep atap ótti Aıjaryq Ábilqasymov.
Qorshaǵan ortany tazartýǵa jáne kógaldandyrýǵa yntaly qatysqan jergilikti balalar men jasóspirimderdiń belsendiligi joǵary boldy. Qatysýshylar aýdan tazalyǵyna úles qosyp, otbasy men jaqyndarymen taza aýada tıimdi ýaqyt ótkizdi.
