Oblystyq sanıtarlyq-epıdemıologııalyq baqylaý departamenti basshysynyń orynbasary Indıra Kúnbasovanyń aıtýynsha, onkogendi adam papılloma vırýstarynyń (APV) barlyǵy 14 túri bar. Olar onkologııalyq aýrýlardyń damýyna ákeledi. Al APV bar áıelderde jatyr moıny obyrynyń damý yqtımaldyǵy APV joq áıelderge qaraǵanda 6 ese joǵary. 2024 jyldyń úshinshi toqsanynan bastap 11 jastan 14 jasqa deıingi qyzdarǵa vaksınalaý júrgizý josparlanyp otyr.
«Jetisý oblysyna vaksınalardyń birinshi partııasy qyrkúıek aıynda keledi. Sodan keıin aımaqqa 6 myń doza salý josparlanyp otyr. Sáıkesinshe, alǵashqy vaksınalaý emsharalary qyrkúıek aıynda bastalady. Qarasha aıynda 6 134 dozanyń ekinshi partııasyn alý josparlanǵan. Aıta ketý kerek, álemde bul vaksınalaýǵa suranys óte joǵary. Búginde álemniń 125 elinde ekpe kúntizbesine engizilgen», deıdi oblystyq densaýlyq saqtaý basqarmasy basshysynyń orynbasary Janeta Nurmanbetova.
О́zderińiz biletindeı, qyzdarǵa vaksına salý ata-analarynyń kelisimin alǵannan keıin 11 jastan bastalady. Bul jas DDU, onkologterdiń usynystaryna sáıkes tańdalady, óıtkeni 11-14 jas aralyǵyndaǵy vaksınalaý eresek jasqa qaraǵanda tıimdi. Vaksınalaýdan keıin jatyr moıny obyryna turaqty ımmýnıtet qalyptasady.
«Jetisýda jatyr moıny obyry boıynsha dıspanserlik esepte barlyǵy 553 áıel tur. Jyl saıyn áıelder arasynda aýrýdy erte satysynda anyqtaý úshin skrınıng júrgiziledi. Máselen, sońǵy skrınıngtiń nátıjeleri boıynsha 26 903 áıel profılaktıkalyq tekserýden ótti. Nátıjesinde, jatyr moıny obyrynyń 26 jaǵdaıy anyqtaldy», deıdi Oblystyq kópsalaly klınıkasynyń dırektory Madııar О́mirbaev.
Qazir óńirlik dárigerler turǵyndarmen ashyq dıalog júrgizip, syrqatyn jasyrmaýǵa shaqyryp otyr. Mamandar qoldan kelgen kómegin kórsetýge daıar.
Jetisý oblysy
