Kóshet otyrǵyzý jumystary Qaraǵandy qalasynyń 90-jyldyǵyna josparlany otyr.
Búginde qoǵam belsendileri men qala ómirine beıjaı qaramaıtyn azamattar gúlzarlarǵa, saıabaqtar men úılerdiń aýlalaryna kóshet otyrǵyzyp jatyr.
Máselen, Qaraǵandydaǵy Maıqudyq saıabaǵynda «Jastar Alleıasy» atty jańa saıabaq ashylyp, 500 kóshet otyrǵyzyldy.
Aksııaǵa qalalyq máslıhattyń hatshysy Altyntóre Bókenov qatysyp, turǵyndardy qalany kógaldandyrý men tazalaý jumystaryna qatysýǵa shaqyrdy.
«Aǵash egý – tek ekologııaǵa qamqorlyq jasaý ǵana emes, sonymen qatar qorshaǵan ortamyzdy qorǵaý múmkindigi», dedi ol.
Aıta keteıik, kóktemgi aǵash egý naýqanynda Qaraǵandyda barlyǵy 3 myń kóshet egiledi.
Ekologııalyq aksııaǵa «Otrajenıe» qoǵamdyq ekoqozǵalysynyń ókilderi, qoǵam belsendileri men qala turǵyndary qatysty.
«Búgin jastarmen birge Temirtaý ekologııasyn jaqsartýǵa óz úlesimizdi qostyq. Qalany kógaldandyrýmen tórtinshi jyl qatarynan aınalysyp kelemiz. Biz aǵashtarǵa kútim jasaý jaýapkershiligin óz moınyna alatyn turǵyndarǵa kóshet taratamyz. Úsh jyldyń qorytyndysyna sáıkes, jelekterdiń jersiný deńgeıi 90%-dy quraǵanyn kórip otyrmyz. Demek, bizdiń turǵyndar aǵashtardy kútýge jaýapkershilikpen qaraıdy», deıdi ekobelsendilerdiń jetekshisi Elena Varganova.
Temirtaýda 5 myńnan astam aǵash egý josparlanyp otyr, búgin 670 aǵash egildi.
Terekter Abaı dańǵylynda da egildi. Qala kóshelerine 150 kóshet egildi.
Sondaı-aq Qarqaralyda 200 qaraǵan, terek jáne qaraǵash kóshetteri egildi.
Qaraǵandy oblysynda «Taza Qazaqstan» aýqymdy ekologııalyq aksııasy 13 mamyrǵa deıin jalǵasady.
