Ekologııalyq aksııanyń maqsaty - jastardy eńbekke jumyldyrý arqyly týǵan jerdi taza ári jasyl qalaǵa aınaldyrý.
Ulttyq volonterler jelisi Ulytaý oblystyq fılıalynyń jetekshisi Daryn Tóleýbaı turǵyndardy aksııaǵa belsendi atsalysýǵa shaqyrdy.
«Qalamyzdyń kógaldanyp, abattanýy úshin ótkizilip jatqan aksııaǵa turǵyndardy belsendi atsalysýǵa shaqyramyn. Sonymen qatar aǵashtardy syndyrmaýǵa, kútip-baptaýǵa, qoldaryńyzdan kelgenshe úılerińizdiń aldyna aǵash otyrǵyzyp, olardy sýaryp turýǵa keńes beremin», dedi Daryn Tóleýbaı.
Aıta keteıik, 27 sáýir kúni qala boıynsha 9 myńǵa jýyq túp aǵash otyrǵyzý josparlanyp otyr.
