Foto: Ashyq derekkózden
Sot otyrysyn onlaın ótkizý sheshimine qoǵam qyzyǵýshylyǵy negiz bolǵan.
«Almaty qalasynyń Qylmystyq ister jónindegi mamandandyrylǵan aýdanaralyq sotynda (QMAS) buzaqylyq jasap, kólikti qaýipsiz paıdalanýdy qamtamasyz etý erejelerin buzyp, abaısyzda úsh adamnyń ólimine ákep soqtyrǵany úshin aıyptalǵan sottalýshyǵa qatysty qylmystyq is boıynsha kezekti sot otyrysy ótedi (QR QK-niń 293-babynyń 1-bóligi, 351-babynyń 3-bóligi)», delingen Joǵarǵy Sot habarlamasynda.
Sot otyrysy Almaty qalalyq QMAS-ta búgin, 2024 jyldyń 24 sáýirinde saǵat 15.00-de ótedi.
Sot prosesiniń onlaın-translıasııasy Joǵarǵy Sottyń YouTube-arnasynda kórsetiledi. Translıasııa siltemesi Joǵarǵy Sottyń telegram arnasyna ornalastyrylady.
Eske salaıyq, ótken jyldyń 22 jeltoqsanynda Almatydaǵy Raıymbek dańǵylynda avtobýs bir top adamdy qaǵyp ketken edi. Keıin polısııa ókilderi jol-kólik apatyna avtobýs jolaýshysy kináli ekenin anyqtady. Ol qoǵamdyq kólik tizgininde otyrǵan áıeldi uryp, esinen tandyrǵan. Apat saldarynan avtobýs aıaldamada turǵan adamdardy qaǵyp, úsh adam kóz jumdy
