Foto: Qazaqstandyq qoǵamdyq damý ınstıtýty
Eń aldymen, shara moderatory – Otandyq qoǵamdyq damý ınstıtýtynyń Basqarma tóraǵasy Nurbek Matjanı salalyq jýrnalıstıkany damytýdyń mańyzyn atap ótti.
«Mádenıet jáne aqparat mınıstri Aıda Balaeva salalyq jýrnalıstıkanyń damýyna erekshe kóńil bólip otyr. Mysaly, ótken jyly «Qazaqstan qoǵamdyq damý ınsıtýty» mınıstrdiń tapsyrmasymen «Ashyq syllabus» zertteýin júrgizdi. Zertteýde elimizdegi jýrnalıstıka salasy boıynsha maman daıarlaıtyn oqý oryndary men ondaǵy bilim berý baǵdarlamalarynyń ereksheligi saraptalyp, sheteldik tájirıbe taldandy. Sonyń ishinde salalyq jýrnalıstıkanyń jaǵdaıy da tyńǵylyqty zertteldi. Búgingi dóńgelek ústel maqsaty – akademııada júrgen ǵalymdar men naryqta júrgen praktık mamandardyń pikirlerin tyńdap, qoldanbaly usynystardy ázirileý», dedi moderator.
Sodan soń jýrnalıst, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń professory Moldııar Ergebekov «Otandyq JOO-da medıa mamandardy daıarlaýdaǵy ózekti máseleler» taqyrybynda baıandama jasap, 3 negizgi túıtkildi atady. Olar: bilim berý baǵdarlamalaryndaǵy máseleler, oqýlyq máselesi jáne pedagogıkalyq túsinik máselesi.
«Qazaqstandaǵy bilim berý baǵdarlamalaryn qurýshylar álemdegi medıa maman daıarlaý prosesinen habarsyz. Buny biz fokýs toptyq zertteýimizde baıqadyq. Sondyqtan da medıa mamandaryn daıarlaıtyn oqý oryndarynyń ustazdaryna aǵylshyn tilinen bastap, shet tilderdi úırený kerek», dedi spıker.
Sondaı-aq Moldııar Ergebekov otandyq JOO-lardaǵy pán ataýlarynyń birizdi emes ekenine toqtaldy. Bul qazaqsha ǵylymı tildiń qalyptasýyna kedergi keltiredi.
SDU «Jýrnalıstıka» mektebiniń dekany Madııar Saýdbaev «Búgingi jýrnalıstıkanyń jaǵdaıy men onyń qoǵamdaǵy róli» taqyryby aıasynda baıandama jasap, salalyq jýrnalıstıkanyń baıaý damýyna áser etetin faktorlardy atady.
«Salalyq jýrnalıstıkany damytýdaǵy taǵy bir másele – stýdentterdiń jumysqa ornalasýy jáne mansapta ósýi. Mysaly, data jýrnalıstıkany oqytqanymyzben, ony bitirgen mamandar medıa ortalyqtarǵa asa qajet bolmaýy múmkin. О́ıtkeni keıbir buqaralyq aqparat quraldary bul salanyń mańyzyn jetkilikti túsinbeıdi. Sondyqtan salalyq jýrnalıstıkany damytý úshin suranysty arttyrý kerek», dedi ol.
Aıta keteıik, qazir Qazaqstanda medıa jáne kommýnıkasııa baǵyty boıynsha maman daıarlaıtyn 38 bilim berý baǵdarlamasy bar. Olardyń birqatary «Sıfrly jýrnalıstıka», «Konvergentti jýrnalıstıka», «Jarnama jáne PR» mamandaryn daıarlaıdy. Iаǵnı, medıa salasynda jańa trendter paıda bolyp, aqparat taratýdyń ózgeshe tetikteri qalyptasty. Sondyqtan da talqy negizinde qatysýshylar otandyq joǵary oqý oryndarynda medıakommýnıkasııa mamandaryn daıarlaý jumysy jan-jaqty jetildirýdi talap etedi degen qorytyndyǵa keldi.
Is-sharany Mádenıet jáne aqparat mınıstrliginiń qoldaýymen Qazaqstan qoǵamdyq damý ınstıtýtynyń MediaLab ortalyǵy uıymdastyrdy.
