Kaspi.kz basshysy ári negizin qalaýshylardyń biri Mıhaıl Lomtadzeniń aıtýynsha memlekettik organdarmen birlesip, deklarasııany tapsyrý barysynyń ózi túsinikti, yńǵaıly ári kóp ýaqyt almaıtyndaı etýge tyrysqan.
Qazirdiń ózinde jeke tulǵalar, zańdy tulǵalar men jeke kásipkerler Kaspi.kz jáne Kaspi Pay mobıldi qosymshalarynyń kómegimen kólik salyǵyn, múlik salyǵyn, tabys salyǵyn, jer salyǵyn, kedendik bajdy, QQS men basqa da kóptegen salyqty tólep otyr. 2023 jyly Kaspi.kz-tiń onlaın-servısteriniń kómegimen 1,2 trıllıon teńge, al 2024 jyldyń birinshi toqsanynda 400 mıllıard teńgeden astam salyq tólendi. Bul 2023 jyldyń birinshi toqsanymen salystyrǵanda salyq túsimderi 60%-ǵa artyq, deıdi ol.
QR QM Memlekettik kirister komıtetiniń tóraǵasy Jandos Dúısembıev MKK jumysynyń servıstik modeli memleket basshysynyń tapsyrmalarynyń birin iske asyrý ekenin atap ótti.
Qazaqstan halqyna qolaıly bolý úshin Salyq tóleýshiniń kabıneti (cabinet.salyk.kz), «Elektrondyq úkimet» veb-portaly (egov.kz), «E-Salyq Azamat», eGov mobile mobıldi qosymshalary, sondaı-aq jetekshi bankterdiń mobıldi qosymshalary, onyń ishinde Kaspi.kz arqyly deklarasııa usyný boıynsha elektrondyq servıster iske qosyldy. Aktıvter men mindettemeler týraly deklarasııany (250-nysan) toltyrý ońaı, yńǵaıly ári qoljetimdi boldy. Deklaranttardyń 99,9%-y elektrondyq nysandy tańdady. Esterińizge sala keteıin, 2024 jylǵy 1 qańtardan bastap jalpyǵa birdeı deklarasııalaý júıesine jeke kásipkerler, zańdy tulǵalardyń quryltaıshylary (qatysýshylary), basshylary men olardyń jubaıy (zaıyby) kirdi, olar 250-nysandy toltyrady. 2025 jylǵy 1 qańtardan bastap aktıvter men mindettemeler týraly deklarasııany azamattardyń qalǵan sanattary usynady. Jalpy alǵanda, jalpyǵa birdeı deklarasııalaý júıesine 13 mıllıon otandasymyz kiredi. Memlekettik kirister komıteti jeńildetý jáne avtomattandyrý saıasatyn jalǵastyratynyn atap ótemin, deıdi Jandos Dúısembıev.
QR SDIAО́M Memlekettik qyzmetter komıteti tóraǵasynyń orynbasary Aınur Iýsýpovanyń aıtýynsha, ótken jyldyń qarasha aıynda Sıfrlyq damý mınıstri Baǵdat Mýsın Úkimette memlekettik qyzmetterdiń qoljetimdiligin arttyrý boıynsha júrgizilip jatqan jumystar men azamattarǵa qolaıly bolý úshin engiziletin sıfrlyq servıster týraly esep bergen.
Mınıstr aǵymdaǵy jylǵa arnalǵan josparlardy belgileı otyryp, QM MKK Mınıstrlikpen birlesip salyq eseptiligin tapsyrý barysy qaıta qaralyp, deklarasııany jeńilirek tapsyrý servısi engiziletinin atap ótti. Búgin Kaspi platformasynda atalǵan servıs iske asyryldy. Sıfrlyq damý mınıstrligi memlekettik qyzmetterdiń bıznes-prosesterin reınjınırıngileý boıynsha jumysty jalǵastyrýda jáne osy baǵyttaǵy jumystar jalǵasyn tabady, dedi ol.
250-nysan boıynsha deklarasııa – bul azamattyń jınaqtalǵan aktıvteri men mindettemeleri týraly eseptilik. Ony jalpyǵa birdeı deklarasııalaý júıesine kirgen kezde bir ret qana usyný qajet. Barlyq keıingi jyl saıynǵy deklarasııada 250-nysanda bastapqy málimdelgen múlikke qatysty ózgeristerdi kórsetiledi. Sondyqtan bul nysandy durys toltyrý óte mańyzdy.
2024 jylǵy 1 qańtardan bastap 250-nysan boıynsha deklarasııany zańdy tulǵalardyń basshylary men quryltaıshylary jáne olardyń jubaıy (zaıyby), sondaı-aq jeke kásipkerler men olardyń jubaıy (zaıyby), 2025 jylǵy 1 qańtardan bastap Qazaqstan Respýblıkasynyń barlyq azamaty tapsyrýǵa mindetti.
250-nysan boıynsha deklarasııany jiberý týraly tolyǵyraq Kaspi.kz mobıldi qosymshasyndaǵy «Gıd» bóliminen oqyńyz.
