«Mádenıet jáne aqparat mınıstrligi óz quzyreti sheginde medıa-keńistikte monıtorıng júrgizý barysynda «ProTenge» telegram-arnasynda aqparat taralý faktisin anyqtady (ony A.Nııazov repost jasaǵan). Alaıda, keıin ony memlekettik organdar teriske shyǵardy.
Bul materıal dáıeksiz dep tanylýy múmkin basqa materıaldarmen birge baǵalaý jáne tıisti áreket etý úshin Ishki ister organdaryna jiberildi.
Jalǵan aqparat taratýǵa baılanysty faktiler boıynsha odan ári quqyqtyq baǵa berý, tıisti sharalar qabyldaý Ishki ister organdarynyń quzyretine jatady. Qazirgi ýaqytta is materıaldary ákimshilik sotqa jiberildi.
Mádenıet jáne aqparat mınıstrliginiń polısııa qyzmetkerleriniń áreketiniń zańdylyǵy men negizdiligin baǵalaýǵa quqyǵy joq.
Bul «MAM bergen talaptar» dep habarlaý durys emes, mundaı málimdemeler shyndyqqa janaspaıdy.
Jalpy, mınıstrlik buqaralyq aqparat quraldarynyń quqynyń buzylýyna jol bermeý ustanymyn udaıy ustanady. Sondaı-aq jýrnalısterdi Qazaqstan Respýblıkasynyń zańnamasyn buzbaǵan jaǵdaıda árdaıym qorǵaýǵa daıyn.
BAQ pen azamattardy jalǵan jáne tekserilmegen aqparat taratpaýǵa shaqyramyn», dep jazdy mınıstr Aıda Balaeva.
