Foto: senate.parlam.kz
«Sý basqan jerler astyq egetin óńirlerge tıesili bolǵandyqtan, kóktemgi egis naýqanyn durys ótkizýge qatysty suraqtar týyndap otyr. Qazirdiń ózinde egin salý merziminiń uzaryp ketý qaýpi bar. Al baý-baqsha, kókónis ósirýshilerdiń, saıajaı seriktestikteriniń jaǵdaıy óte nashar. Olardyń tehnıkalary, sýarý júıeleri men transformatorlary zaqymdaldy, jylyjaılar buzyldy, alqaptary sý astynda qalǵanyn kórip otyrmyz. Jedel derekter boıynsha, Aqtóbe, Qostanaı, Soltústik Qazaqstan oblystarynda 200 tonnaǵa jýyq tuqym qoımalaryn sý basqan. О́kinishke qaraı, Aýyl sharýashylyǵy mınıstrligi áli kúnge deıin elimizdegi sý astynda qalǵan egistik týraly naqty málimet bergen joq», dedi Senat depýtaty.
Senator mal sharýashylyǵynyń shyǵyny men asa qaýipti ınfeksııalardyń paıda bolý qaýpine, sý tapshylyǵynyń aldyn alýǵa qatysty máselelerge alańdaýshylyq bildirdi. Arman О́teǵulov osyǵan baılanysty elimizdiń Premer-Mınıstrinen aǵymdaǵy máseleler boıynsha málimet berýdi surady.
«Búgingi kúni sý basqan óńirlerdegi zardap shekken egistiktiń kólemi qandaı? Qansha egistik tasqynnyń saldarynan aınalymnan shyqty? Fermerler bıyl egin egýge úlgere ala ma? Egin egip úlgermegen sharýalarǵa alatyn paıdasy qalaı óteletin bolady? Shyǵyn bolǵan mal basyn toltyrýdyń tetigi bar ma? Qansha aýyl sharýashylyǵy tehnıkasy sýǵa ketip, isten shyqty, olardy qalpyna keltirý jumystary qalaı júrgiziledi?», dep surady senator Arman О́teǵulov.
