Azamattyq negizdegi yntymaq

Elimizde myńnan astam etnomádenı birles­tik bar, ótken jyldar ishinde olar nyǵa­ıyp, azamattyq qoǵamnyń kúshti ınstıtýtyna aınaldy. Birlestik músheleri tótenshe jaǵdaı – sý tasqynynyń qıyn-qystaý kezeńinde qutqarýshylarmen jáne eriktilermen birge aldyńǵy qatarda boldy. Gýmanıtarlyq kómek jınap, jetkizýge aıryqsha úles qosty. Biz hal­qy­myzdyń birligin, baýyrlastyǵyn óz kózimizben kórdik. Bul birlik senimge negiz­delgen jáne biz qandaı da qıyn jaǵdaıda aza­mat­tarymyzdyń eń jaqsy qa­sıetterin – pat­rıot­tyqty, yntymaqtyqty kórsetetinine kýá bol­dyq. Osy synaqtardan súrinbeı ótip, halqy­myz budan da nyǵaıa túsetinine jáne bul kúsh ja­sam­pazdyqqa jańa serpin beretine senimdimin.

Keıingi bir jylda QHA úlken ózgeris­terge ushyrady. Alǵash ret respýblıkalyq qurylymdardy dúngender, tájikter, qyrǵyzdar, belarýstar qurady. Keler jyly bul ınstıtýt óziniń otyz jyldyǵyn atap ótedi. Osy oraıda ony jańa jobalarmen atap ótý qajet dep bilemin.

Almaty oblysynda 10 mıllıon aǵash otyrǵyzý, etnos jastary úshin kásiptik baǵ­dar berý, kompıýterlik jáne qar­jy­lyq saýattylyq boıynsha bilim berý jáne bilim berý kýrstaryn uıymdastyrý sııaqty bastamalardy ilgeriletýdi usynamyn.

Iýrıı ShIN,

QHA tóraǵasynyń orynbasary, Qazaqstan koreıleri qaýymdastyǵynyń prezıdenti