Telemarafonnyń basty keıipkerleri – tabıǵı apat kezeńinde batyldyq tanytyp, óz ómiri men densaýlyǵyn qaýip-qaterge tige otyryp qyzmeti men azamattyq boryshyn abyroımen atqarǵan el azamattary.
Olardyń qatarynda qutqarýshylar, medısına qyzmetkerleri, áskerı qyzmetshiler, eriktiler, kásipkerler men syn saǵatta judyryqtaı jumylyp, yntymaq pen birliktiń úlgisin tanytqan el turǵyndary bar.
«Qazaqstan», «Habar», «Jibek Joly», «Eýrazııa birinshi arnasy», «KTK», «31 arna», «Atameken Business», «Astana TV», «7 arna» jáne «Almaty TV» telearnalarynyń 5 saǵattyq tikeleı efırinde tasqyn basqan aýmaqty kózben kórip, tabıǵı apattan zardap shekken turǵyndarynyń jan tebirenter oqıǵalary, tabıǵı apat aımaqtarynan reportajdar beriledi.
Sondaı-aq telemarafonda resmı organ ókilderi óńirlerdegi apat saldaryn joıý jáne qalpyna keltirý jumystary men azamattardy turǵyn úımen qamtamasyz etý, ınfraqurylymdy qalpyna keltirý, materıaldyq shyǵyndardy óteý jónindegi memleket qabyldap jatqan sharalar týraly esep beredi.
«Biz birgemiz!» telemarafonynda Qazaqstannyń 8 óńirinen: Atyraý, Aqtóbe, Batys Qazaqstan, Qostanaı, Soltústik Qazaqstan, Qaraǵandy, Pavlodar jáne Jambyl oblystarynan tikeleı qosylym uıymdastyrylady.
Is-sharanyń onlaın translıasııasy 10 telearnanyń resmı saıttarynda, Facebook jáne YouTube jelilerinde júrgiziledi. Marafon materıaldary http://t.me/bizbirgemiz_marathon Telegram-arnasynda jarııalanady.
