Sýretti túsirgen – avtor
Qazirde oblys kóleminde kógaldandyrý jumysy qarqyn alyp keledi. Jalpy, bıyldyń ózinde 123 myńǵa jýyq kóshet otyrǵyzý josparlanǵan. Álbette kóshetti otyrǵyzyp qana qoımaı, ony kútip-baptaý jumystary da jospardan tys qalǵan joq.
Qazaqstan taýy – jazdyń kúni kópshiliktiń serýendeıtin birden-bir jeri. Munda el jaıaýlatyp shyǵyp, taý bıiginen qalany tamashalaıdy. Ushar basynda jelbirep turǵan kók týymyz jáne bar. Iá, bul bıikten qalanyń barlyq bóligi kórinedi. Osyndaı kórikti jerdi kógaldandyrý maqsatynda kóshet egilgeni óte quptarlyq is bolǵan. Aıta keterligi, kóshet ekpes buryn taýdyń mańaıyna senbilik jumystary júrgizilgen. Sóıtip, «Taza Qazaqstan» aksııasy aıasynda ıgi sharýa atqaryldy. Oǵan oblys ákimi Ermek Kósherbaev ta atsalysyp, shyrsha men qaıyń otyrǵyzdy.
– Otanǵa, eline degen mahabbat tazalyqtan jáne eńbekqorlyqtan bastalýy qajet. Sondyqtan búgingi biregeı shara jastar arasynda dástúrge aınalyp qana qoımaı, óskeleń urpaqqa jaqsy úlgi bolady degen senimdemin, – dedi oblys ákimi Ermek Bedelbaıuly.
Búgingi sharada úlken jumys atqarǵan eriktiler men О́skemen orman sharýashylyǵy qyzmetkerleri ekenin de atap aıtqan jón. Tipti mektep oqýshylaryna deıin kelip, erikti túrde tal ekken.
– Tabıǵatty aıalaýǵa baǵyttalǵan sharaǵa bárimiz bir kisideı qatystyq. Shyrsha egildi. Bul keıingi urpaqqa úlken ónege dep bilemin. Jyl saıyn tal egýdi dástúrge aınaldyrsaq, aınalamyz jasyl jelekke oranyp turady. Balalarymyzben, nemerelerimizben kelip demalamyz, – deıdi ormanshy Murat Raısov.
Shyǵysqazaqstandyqtar «Taza Qazaqstan» aksııasyna qatysýda belsendilik tanytty. Mundaı shara oblystyń ár aýdanynda ótip jatty. Aksııanyń birinshi aptalyǵy «Taza ólke» aıasynda 21,4 myń aýla tazalanyp, 6 myń tonnadan asa qoqys shyǵaryldy.
«Kıeli meken» aptalyǵynda 161 qoǵamdyq oryn, skver jáne 136 eskertkish tazalandy. Al «О́negeli urpaq» aptasynda oblystaǵy ardagerler men qarttardyń aýlasy tazalanyp, senbilikter ótti. Endigi kezekte «Móldir bulaq» aptalyǵynda aryqtar men bulaq kózderi tazalaýdan ótpek.
О́skemen
