Taǵlymy mol rýhanı is-sharada oqyrman qolyna endi tıgen týyndynyń bireýi aqyn Qosjan Músirepov týraly bolsa, qalǵany balalarǵa arnalǵan. 30-ǵa jýyq kitaby jaryq kórgen jazýshynyń «Qoshaqandar» óleńi 1974 jyly jarııalanypty. Sol jyldardan bastap ol «Júrektegi jazýlaryn» jalǵastyryp keledi.
– Adamda júrek bolsa ǵana bir-birin izdeıdi, saǵynysh bolady. Kezdeskende jattandy sóz emes, júrek únin aıtady. Men úshin bul kesh sondaı boldy. Atam jaryqtyqtyń qaıtys bolǵanda kabınetindegi ústelinen eki qalyń dápteri tabyldy. Osydan elý jyl buryn jazylǵan: «Eshqashanda jaqsylyqtan úmit úzbeńder. Jamandyq izdeme. Adal adamdar izdeńder, olar ómirdiń máni men maǵynasyn uǵyndyrady», degen ósıet sózder eshqashan jadymnan shyqqan emes. Shynynda men ómir baqı adam izdep júrmin. Kitabymnyń aty da «Adam izdep júrmin», – dedi jazýshy Ákim Ysqaq.
Qalamgerdiń «Erte eseıgen qyz», «Temir tabyt», «Asqarovtyń kadry», «Kóńil qymbat», «Altynym» týyndylary oqyrmannyń áli jadynda. Ádebı-sazdy keshte óner ıesiniń ánderi shyrqalyp, kópshilik qaýym kórkemsóz sheberiniń jyrlarymen sýsyndady. Shyǵarmashylyq jıynda Senat depýtaty Álı Bektaev Senat tóraǵasy Máýlen Áshimbaevtyń quttyqtaý hatyn tapsyrdy. Sondaı-aq Mádenıet jáne aqparat, Oqý-aǵartý mınıstriniń de quttyqtaýlary oqyldy.
Ákim Ysqaq – tuńǵysh qazaq tilinde jazylǵan «Halyqtyń kóshi-qony týraly» zańnyń avtory. Depýtat bolǵan tusta Aýǵanstan men Pákstannan 700 qazaqtyń Qazaqstanǵa kelýine járdemdesken. Bul týraly memleket jáne qoǵam qaıratkeri Muhambet Kópeev «Bir jyldyń kóleminde Ákim osy zańdy alyp shyqty. Qanshama qandasymyz elimizge oraldy. Bul zań ómirsheń zań boldy», dep pikir bildirdi.
Rýhanı keshke Senat, Májilis depýtattary, memleket qaıratkerleri, taǵy basqa belgili tulǵalar qatysty.
– Ákim Ysqaqtyń shyǵarmalary adamdardy jaqsylyqqa, adamgershilikke, ustamdylyqqa, shydamdylyqqa, sabyrǵa shaqyrady. Qarasózderi, «Altynym» dep bastalatyn sózderiniń astarynda úlken mán-maǵyna bar. Sondyqtan keıingi jastarǵa beretin tálim-tárbıesi mol, – dedi qala turǵyny Yrysjan Shamuratova.
