Vıza berý rásimi jeńildeýi múmkin

Qazaqstan delegasııasy SIM Konsýldyq qyzmet departamentiniń dırektory Baýyrjan Aqa­taev, amerıkalyq delegasııany AQSh Memleket­tik depar­tamentiniń Ońtústik jáne Ortalyq Azııa isteri bıýrosy Ortalyq Azııa boıynsha basqarma­synyń dırektory Braıan Stımmler basqardy. Kelissózder barysynda taraptar kóptegen máseleni, sonyń ishinde azamattardyń ózara saparlaryn jeńildetý, eki el azamattarynyń quqyqtary men múd­delerin qorǵaý, Qazaqstannan asyrap alynǵan bala­larǵa baqylaýdy kúsheıtý boıynsha is-qımyl­dy talqylady. Kóshi-qon salasyndaǵy yntymaq­tastyqqa da erekshe nazar aýdaryldy. Atap aıtqan­da, Qazaqstan azamattarynyń AQSh-qa zańsyz kóshi-qonynyń jolyn kesý boıynsha birlesken sharalar belgilendi.

Konsýltasııalarǵa qatysýshylar týrıstik, iskerlik jáne mádenı baılanystardy odan ári nyǵaıtýǵa yqpal etetin eki eldiń azamattary úshin vıza berý rásimderin ońaılatý men jedeldetýdiń mańyzdylyǵyn atap ótti.

Kelissózder qorytyndysynda taraptar turaq­ty negizde konsýldyq máseleler boıynsha yntymaq­tastyqty odan ári nyǵaıtýǵa jáne arttyrýǵa daıyn­dyǵyn rastady.

Sonymen qatar sapar aıasynda Qazaqstan delegasııa­sy amerıkalyq «Winrock International» ÚEU ókilderi­men kezdesý ótkizip, onyń barysynda zańsyz kóshi-qon men adam saýdasyna qarsy is-qımyl máseleleri boıynsha ózara is-qımyl keleshegi talqylandy.