«Memlekettiń balalary»

Týyndy «Balalar úıi tár­bıelenýshileriniń qoǵamǵa áleýmettik ıntegrasııasy jáne beıim­delýi» atty 2022 jylǵy zert­teýi negizinde tú­siril­gen. Baıandamada ınter­nat me­ke­melerdegi bala­lar­dyń psıhoemosıonaldy da­mý erek­shelikteri, olardyń qu­qyq­tyq mártebesi, bilim alý, jumysqa turý jáne turǵyn úımen qamtamasyz etilýi má­seleleri zerttelgen.

Kórsetilimge ǵylymı zertteý ortalyqtarynyń ókilderi, otbasy jáne gender saıasaty salasynyń sarapshylary, qoǵam belsendileri men BAQ ókilderi qatysty. Is-sharanyń ashylý rásiminde sóz sóılegen Qazaqstan qoǵamdyq damý ınstıtýtynyń basqarma tór­aǵasy Nurbek Matjanı fılm­niń mańyzyna toqtaldy.

– Bul fılm ınstıtý­tymyzdyń zertteýi negizinde túsirildi. Ádette ǵylymı uı­ym­dardyń zertteýleri kóp­shilikke jete bermeıdi. Áıt­pese paıdaly zertteýler eli­mizde kóp jasalady. О́tken jyly Mádenıet jáne aqparat mınıstri Aıda Balaevanyń bastamasymen «Otbasylyq, genderlik jáne demografııalyq saıasat salasyndaǵy ǵylymı zertteý uıymdary konsorsıý­my» quryldy. Konsorsıým maqsaty – atalǵan baǵyttar boıynsha zertteýlerdi jú­ıeleý jáne nasıhattaý. Fılm osy konsorsıým aıasynda ja­ryq kórip otyr, – dedi ol.

Jyl saıyn myńǵa jýyq jetim bala ınternat mekemelerden túlep shyǵyp, úlken ómirge aıaq basady. О́mirden laıyqty ornyn tabý barysynda olardyń keıbireýleri qalyptasqan stereotıp kesirinen jumysqa tura almasa, ekinshileri qu­qyǵyn qor­ǵap, ózine tıesili kómekti ala almaıdy, endi bireýleri dárigerge qalaı qa­ralý ke­re­gin de bilmeıdi. Qa­zir elimizde osyndaı 22 081 jetim bala bar. Olardyń 82%-y – áleýmettik jetimder, ıaǵnı ata-anasy tiri bolsa da, túrli sebeppen olardyń qam­qor­lyǵynsyz qalǵan balalar. О́ki­nishke qaraı, bul fakt el­degi jetimderdiń máselelerin sheshý qajettigin ǵana emes, bastapqy sebebi – otbasy ıns­tıtýty problemasyna nazar aýdarý keregin meńzeıdi.

Derekti kartına 4 keıip­kerdiń oqıǵasy negizinde balalar úıi tú­lek­teriniń bir­qatar máselesin qoz­ǵaıdy. Olardyń ómiri ın­ter­­nat­tan túlep shyqqannan keıin qa­laı órbıtini, qoǵamǵa beıim­delýi kezinde qandaı qıyn­dyqqa tap bolatyny jáne qa­lyp­­tasqan stereo­tıp salda­ry­nan qandaı kedergilerge ushy­raı­ty­ny baıan­dalǵan.