Áskerı pán muǵaliminiń mártebesin kóterý mańyzdy

«Áskerı-strategııalyq zertteýler ortalyǵy» AQ Qorǵanys mınıstrligi Ortalyq áskerı ǵylymı zertteý ınstıtýtynyń bas mamany, otstavkadaǵy polkovnık Aıdar Kıkımov konferensııa moderatory boldy. Sonymen qatar kezdesýde «Ońtústik» óńir­lik qolbas­shylyǵy áskerleri qolbasshy­synyń orynbasary, polkovnık Oraz Kýchýkov, Shymkent qalasy ákiminiń áske­rı qaýipsizdik jáne qorǵa­nys máseleleri jónindegi kó­mek­shisi, polkovnık Tımýr Bıdaı­bekov, qalalyq qorǵanys is­te­ri departamentiniń basshy­sy, polkovnık Ábdiǵabıt Shege­­baev, sondaı-aq kúshtik qury­lymdarynyń, tótenshe jaǵ­daı­lar departamentiniń ókil­deri men Qarýly kúshterdiń arda­gerleri sóz sóılep, oı-pikirlerin orta­ǵa saldy. Jıynda áskerge shaqy­rylǵanǵa deıingi jastardy áske­rı qyzmetke daıarlaý sapasy men oqý oryndaryndaǵy áskerı-patrıottyq jumystyń mazmuny bastapqy áskerı tehnologııalyq daıarlyq oqytýshylaryna baı­lanysty ekeni aıtyldy. Son­dyqtan bul pándi oqytatyn muǵa­limderdi daıarlaýdyń mańyz­dylyǵy erekshe bolyp tur.

Osy konferensııada bilim berý júıesin damytý, oqytý­shylardyń quzyretin keńeı­tý máselesi kóterildi. Baıanda­mashylar óz qyzmet salasyndaǵy erekshelikter, joǵary oqý oryndaryna túsý tártibi, sondaı-aq qyzmet ótkerý jaǵdaıyndaǵy ózgerister týraly áńgimeledi.

Jıyn barysynda oqýshylar saraıynyń kireberis zalynda qonaqtar men qatysýshylar úshin Qarýly kúshterdiń, Shekara qyzmetiniń jáne Ult­tyq ulan­nyń áskerı qyzmet­shile­riniń qarý-jaraqtary men áskerı jabdyqtarynyń kóshpeli kórme­si uıymdastyryldy. Sony­men qatar Tótenshe jaǵdaı­lar depar­tamentiniń ókilderi qut­qa­rýshy­lardyń arnaıy jabdyq­taryn tamashalatty.

Budan bólek, Shymkent qala­syndaǵy «Qarýly kúshter arda­gerleri» keńesiniń tóraǵasy, otstavkadaǵy polkovnık Serik­baı Ońbaev elimizdiń batyrlary Saǵa­dat Nurmaǵambetov pen Rahym­jan Qoshqarbaevtyń ǵasyrlyq mereıtoıyna oraı daryndy oqýshylardyń qoly­men salynǵan sýretter men kitap­tar kór­me­sin ótkizdi. Ardager bıyl júz­­ge tolǵan qos batyr týraly aı­ta kelip, óziniń qorǵanys salasy mınıstrliginde qyzmet atqaryp, táýelsiz Qazaq­stannyń qarýly kúshteri kóz aldynda qa­lyp­tasqanyn tebirene eske aldy.

Konferensııa sońy oqýshylar saraıynyń shákirtteri qoıǵan patrıottyq konsertke ulasty. Mýzyka men bı kompozısııalary ǵana emes, sonymen birge Ekinshi dúnıejúzilik soǵys týraly spektakl barsha qonaqtardy tánti etti.

ShYMKENT