Chellendj maqsaty - óskeleń urpaqtyń boıynda ekologııalyq mádenıetti qalyptastyrý, oqýshylardyń qorshaǵan ortaǵa degen súıispenshiligin oıatý, sondaı-aq tabıǵatqa uqyptylyqpen qaraýǵa tárbıeleý. Kóshetterdi otyrǵyzý óńirdiń barlyq bilim berý uıymdarynda júzege asyrylady. 
Pavlodar qalasynyń M. Júsip orta mektebiniń jáne Abaı atyndaǵy daryndy balalarǵa arnalǵan gımnazııanyń túlekteri óz mektepteriniń aýmaǵyna qaıyń, qaraǵaı, jemis aǵashtarynyń kóshetterin otyrǵyzdy. Bul aksııany túlekterdiń ata-analary da qoldady.
