Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, Jeńis kúni qarsańynda 2 060 adamǵa birjolǵy áleýmettik kómek berý uıǵarylǵan. Bul maqsatqa jergilikti bıýdjetten 218,5 mıllıon teńge bólingen.
E.Absatyrovanyń balalyq shaǵy konslagerde ótken. О́ıtkeni onyń ájesi, ákesi men sheshesi 9 balamen Karelııaǵa kóship barǵan. Al 1941 jyly soǵys bastalǵanda bári tutqynǵa túsken. Úsh jyldyń ishinde úsh konslagerde bolǵan.
1950 jyly Vagaf Absatyrovqa turmysqa shyǵyp, 1968 jyly Atyraý qalasyna kóship kelgen. Kúıeýi munaı kompanııasynda, azamattyq qorǵanys salasynda jumys istegen. О́zi lokomotıv deposynda jumys istep, zeınetke shyqqan. Qazir konslagerdiń kámeletke tolmaǵan tutqyny retinde túrli jeńildikti paıdalanyp otyr.
«Ájeıge Jeńis kúnine qarsańynda 1 mln teńge kóleminde áleýmettik kómek beriledi. Jeńiske úles qosyp, túrli marapatqa ıe bolǵan 21 tyl ardageriniń árqaısysyna beriletin áleýmettik kómektiń mólsheri – 100 myń teńge. Tylda eńbek etkenimen, eshqandaı marapat almaǵan 903 ardagerge 50 myń teńgeden birjolǵy aqshalaı kómek kórsetiledi», deıdi A.Mámbetov.
1986-1987 jyldary Chernobyl atom elektr stansasyndaǵy apatty joıýǵa qatysqan 170 ardagerge 150 myń teńgeniń áleýmettik kómegi tólenedi. Sondaı-aq basqa memleketterdiń aýmaǵyndaǵy urys qımyldaryna qatysqan 965 ardagerge de osyndaı kólemde qarjylaı kómek berý kózdelip otyr.
Atyraý oblysy
