Foto: Turizm jane sport ministrligi
Mınıstr Armııa ortalyq sport klýby áskerı jumys pen halyqaralyq dárejedegi sportshylar daıarlaýdy qatar jolǵa qoıǵanyn atap ótti.
Týrızm jáne sport mınıstrliginiń málimetinshe, áskerı qyzmetshiler arasynan 9 sportshy Parıj Olımpıadasyna joldama jeńip alǵan. Olar: boksshylar – Sáken Bıbosynov, Mahmud Sabyrhan, taekvondoshylar – Somırhon Ababakırov, Batyrhan Tileýǵalı, qazirgi bessaıys ókili Elena Potopenko, nysana kózdeýden Islam Sátbaev, grek-rım balýandary – Aıdos Sultanǵalı, Álimhan Syzdyqov jáne sporttyq gımnastıkadan Narıman Qurbanov.
«Áskerı sportshylardyń negizgi jetistikteriniń kilti – dástúrdi saqtaı otyryp, árqashan óz-ózin damytyp júrgen jattyqtyrýshylar quramynyń eńbegi, kásibılikterińizdiń arqasynda kóptegen sportshymyz kóshbasshyǵa aınalyp, kópke úlgi bolyp júr. Sonymen qatar sizderdiń sportqa degen adaldyq pen jeńiske degen umtylysyńyz sportshylardy shabyttandyryp, armııa qabyrǵasynda qalyptasqan rýhanı kúsh pen minezdiń beriktigi jeńiske jetý jolyndaǵy kez kelgen kedergini eńserýge múmkindik beredi», dedi Ermek Marjyqpaev.
Is-shara barysynda AOSK SK sportshysy Sáken Bıbosynov pen jattyqtyrýshy Asan Mámbetqulovqa leıtenat sheni tabys etildi.
