foto: Aqtóbe oblysynyń PD
Qaıǵyly oqıǵa 9 mamyrda bolǵan. Samara-Shymkent tas jolynda bir baǵytta kele jatqan VAZ jeńil kóligi men MAN júk kóligi soqtyǵysty. Kólikte Yrǵyz oblysynyń turǵyndary bolǵan, júk kóligin sheteldik azamat basqarǵan.
«Apat saldarynan kólik júrgizýshisi men onyń eki jolaýshysy qaza tapty. Jol-kólik oqıǵasy boıynsha sotqa deıingi tergeý amaldary júrgizilip jatyr. Polısııa departamenti júrgizýshilerdi jol qozǵalysy erejelerin qatań saqtaýǵa shaqyrady», dep habarlady oblystyq Jol polısııasy basqarmasy baspasóz qyzmetiniń jetekshisi Erbolat Sarqulov.
Kóliktegi eki - adam erli-zaıyptylar. Ekeýi de Ybyraı Altynsarın atyndaǵy orta mektepte jumys istegen. Bir jolaýshy dene shynyqtyrý muǵalimi, ekinshisi bastaýysh synyp muǵalimi bolǵan. Al qaıtys bolǵan úshinshi adam – aýdandyq máslıhattyń depýtaty, mal dárigeri.
Oblys ákimdiginiń baspasóz qyzmetinen habarlaǵandaı, jol-dárigerlik qutqarý beketi men №12 órt sóndirý beketiniń qyzmetkerleri arnaıy quraldyń kómegimen kólikte turyp qalǵan eki adamdy shyǵardy. Bir adam jedel járdemmen aýdandyq aýrýhanaǵa jetkizildi, biraq saǵat beste qaıtys boldy.
