Oqýshylardyń bilimin tereńdetý jáne jetilderý, zııatkerlik jáne shyǵarmashylyq qabiletterin damytý maqsatynda kvotaǵa saı Qazaqstannyń ár óńirinen 160 oqýshy qatysqan.
Pavlodar oblysynan olımpıadaǵa oblystyq kezeńinde I jáne II oryndarǵa ıe bolǵan jalpy orta bilim berý jáne mamandandyrylǵan mektepterdiń 8 oqýshysy qatysty, onyń ishinde 5 oqýshy jeńimpazben júldeger atandy.
Q.Bitibaeva atyndaǵy qazaq tili men ádebıeti páninen respýblıkalyq olımpıadanyń qorytyndysy boıynsha I dárejeli dıplomymen Abaı atyndaǵy gımnazııasynyń 10 synyp oqýshysy Kýnıazova Dana (muǵalimi Haısına K.K.) jáne Y. Altynsarın atyndaǵy daryndy balalarǵa arnalǵan oblystyq qazaq gımnazııa-ınternatynyń 10 synyp oqýshysy Habıdýllaeva Arýjan (muǵalimi Okpına B.M.) marapattaldy. II dárejeli dıplomyna «Jas daryn» mamandandyrylǵan mektebiniń 9 synyp oqýshysy Jomartova Dına (muǵalimi Syrttanova A.T.) jáne Q.Sátbaev atyndaǵy daryndy balalarǵa arnalǵan mamandandyrylǵan gımnazııasynyń 11 synyp oqýshysy Kaırjanova Aıda (muǵalimi Esengojına A.E.) ıe boldy. III dárejeli dıplomdy Pavlodar qalasy, Á.Bókeıhan atyndaǵy jalpy orta bilim berý mektebiniń 10 synyp oqýshysy Soltanmýrat Aııaýlym (muǵalimi Asylbekova A.M.) aldy. Erekshe jetistigi úshin Pavlodar qalasy, №2 jalpy orta bilim berý mektebiniń 11 synyp oqýshysy Dıýsembaeva Tomırıs Qazaqstan respýblıkasynyń Oqý-aǵartý mınıstirliginiń gramotasymen marapattaldy.
Qanıpa Bitibaevanyń túlekteriniń atynan Abaı atyndaǵy gımnazııasynyń 10 synyp oqýshysy Kýnıazova Danaǵa baǵaly syılyq (noýtbýk) tabystaldy.
