Mınıstrdiń aıtýynsha, týrıster tarapynan vıza jáne ımmıgrasııalyq rejımge qatysty shaǵymdar kóp. Týroperatorlardyń aıtýynsha, sheteldik týrıster vıza jáne kóshi-qon portalyndaǵy tehnıkalyq aqaýlarǵa baılanysty vıza alýda qıyndyqtarǵa tap bolady. Sonyń saldarynan týroperatorlar sheteldik týrıster brondap qoıǵan bıletterdi qaıtaryp alýǵa májbúr.
«Vızalyq kóshi-qon rejımi máselesi týrıster tarapynan kóptegen shaǵym týdyrady. Týroperatorlardyń habarlaýynsha, sheteldik kelýshiler vızalyq kóshi-qon portalynyń tehnıkalyq aqaýyna baılanysty vıza alý kezinde qıyndyqtarǵa tap bolady. Nátıjesinde týroperatorlar sheteldik týrıster úshin brondalǵan bıletterdi alyp tastaýǵa májbúr. Osyǵan baılanysty elge kelgennen keıin vıza alý boıynsha áýejaılardaǵy kóshi-qon qyzmetterinde personal sanyn kóbeıtý jáne onyń portalynyń úzdiksiz jumysyn qamtamasyz etý usynylady», dedi E.Marjyqpaev.
Sonymen qatar mınıstr bul rejımdi sıfrlandyrý jáne vızalyq rásimderdi jeńildetý arqyly jetildirý qajet ekenin atap ótti. Al, ázirshe jańa vızanyń jumys ataýy – NEO Nomad Visa.
«Múddeli memlekettik organdarmen birlesip, sheteldik azamattarǵa elde uzaq merzimdi bolý quqyǵyn bere otyryp, qazirgi zamanǵy kóshpendilerdiń vızasyn engizý máselesi qaralyp jatyr (jumys ataýy – NEO Nomad Visa). Bul sharany engizýden kútiletin ekonomıkalyq nátıje jyl saıyn 3 mlrd teńgeden asady. Qazirgi ýaqytta Neo Nomad Visa engizý tetigi ázirlenip, múddeli memlekettik organdarǵa joldandy», dep qosty mınıstr.
Qyrmyzy JUMAǴALIQYZY,
EUÝ stýdenti
