Foto: N.Baıbýlın
«Baqytty otbasy» ortalyǵynda mamandandyrylǵan kabınetter jumys isteıdi. Sondaı-aq ózin ózi damytý úshin jáne jeke kásibin bastaýǵa jol ashý maqsatynda kondıterlik is, toqyma, aǵylshyn tili, jumsaq oıynshyqtar tigý jáne taǵy basqa kásip túrlerin úıretetin tegin kýrstar qarastyrylǵan.
Senat spıkeri áıelder quqyǵyn qorǵaýda jáne ınklıýzıvti Qazaqstan qalyptastyrýda osyndaı ortalyqtardyń mańyzy zor ekenin atap ótti.
«Memleket basshysynyń tapsyrmasy boıynsha otbasy ınstıtýtyn nyǵaıtýǵa, áıelder men balalardyń quqyqtaryn qorǵaýǵa arnalyp ázirlengen zańdar qabyldanyp, memlekettik otbasy saıasatyn qalyptastyrýǵa jaýapty ýákiletti organnyń mártebesi aıqyndaldy, qıyn jaǵdaıǵa ushyraǵan otbasylardy qoldaýǵa arnalǵan erejeler qarastyrylyp, áıelder men balalarǵa qarsy qylmystyń jaýapkershiligi kúsheıtildi. Atalǵan baǵyttaǵy mindetterdi iske asyrýda «Baqytty otbasy» sekildi ortalyqtar mańyzdy ról atqarady. Aldaǵy ýaqytta birlesken jumysymyz múmkindigi shekteýli azamattarǵa jaıly jaǵdaı jasaýǵa jáne otbasy ınstıtýtyn nyǵaıtýǵa tyń serpin beredi dep senemiz», dedi Máýlen Áshimbaev.
Is-shara sońynda Ortalyq basshysy jańa bastamalarǵa qoldaý bildirip, yntymaqtastyq tanytqany úshin senatorlarǵa alǵys aıtty. Sondaı-aq ol aldaǵy josparlaryna toqtalyp, áleýmettik kásipkerlikti damytýǵa arnalǵan jańa usynystaryn ortaǵa saldy.
