Ashyqtyq jemqorlyqqa jol bermeıdi

Buǵan Shymkent qalalyq den­saýlyq saqtaý basqarmasynyń basshysy Nurlybek Asylbekov bastaǵan bir top bas dárigerdiń ortalyq kommýnıkasııalar qyz­me­ti alańynda bergen baspasóz máslıhaty barysynda anyq kóz jetkizdik. Brıfıngte shahardyń bas dárigeri men aýrýhana, emhana basshylary tarapynan medısına salasyndaǵy sybaılas jemqorlyqqa qarsy kúres jáne onyń aldyn alý jolyndaǵy sharalar týraly málimdemeler jasaldy. Perzenthana, onkologııalyq, kar­dıologııalyq, psıhıkalyq den­saýlyq ortalyqtarynyń bas dári­ger­leri de baspasóz más­lıhatyna qatysty.

Jıynda birinshi bolyp sóz alǵan N.Asylbekov emdelýshiler men qyzmet­ker­lerden sybaılas jemqorlyq áreketine oraı shaǵymdar túsip turatynyn jasyrmady. Biraq kóp jaǵdaıda mundaı derekter rastalmaı shy­ǵady. Osy tusta qalanyń bas dárigeri densaýlyq saqtaý salasyndaǵy sybaılas jemqor­lyqqa qarsy kúrestegi negizgi qural­dar­dyń biri ashyqtyq ekenin alǵa tartty. Sonyń ishinde qarjy­lan­dyrý kózinde de ashyq portal arqyly jumys isteledi. Sondaı-aq naýqastar jıi keletin emdeý ortalyqtarynda 2 myńnan asa beınekameralar ornatylǵan.

«Kadr máselesi boıynsha sybaılas jemqorlyqqa aparatyn joldardy joıý maqsatynda tıisti jumystar atqarylyp jatyr. Máselen, qazir adamdardy medısına mekemesine jumysqa qabyldaý jarııaly túrde iske asyrylady. Shynaıylyq, mól­dir­lik – sybaılas jemqorlyq áreketterin, soǵan ıtermeleıtin jaǵdaıattardy joıý úshin qajetti shara. Sondyqtan qala halqynyń densaýlyǵyna jaýapty sala basshylyǵy 2022 jyldyń 8 qyrkúıeginde shahardyń sıfr­landyrý basqarmasymen bir­lesip «i-shymkent.kz» portaly arqyly NR-úderis júrgizý júıesin iske qosty. Buǵan qosa búgingi tańda qaladaǵy medısına uıymdary arasynda den­saý­lyq saqtaý salasyndaǵy jem­qor­lyq áreketterin boldyrmaý úshin 11 joba iske asyp jatyr, onyń ishinde jańa bastama sanalatyn qanatqaqty 5 jobany erekshe atap ótýge bolady. Sondaı-aq megapolıstiń emdeý mekemelerinde komplaens ofıserleri turaqty ju­mys­taryn júrgizip otyr. Olar­yń jalpy sany – 28», dedi N.Asylbekov.

Budan keıin baıandama jasaǵan №1 qalalyq klınıkalyq aýrý­hana­synyń bas dárigeri Qaırat Kalıbekov atalǵan medı­sı­na­lyq mekeme táýlik boıy jumys istep, naýqastarǵa qa­jetti medısınalyq kómek kór­setý úshin úzdiksiz em-sharasyn júrgizetinin atap ótti. Sybaılas jem­qor­lyqtyń aldyn alýdyń eń tıimdi joldarynyń biri – quqyqtyq tártipti qamtamasyz etý. Osy maqsatqa oraı aýrýhana aýma­ǵynda 13 beınekamera orna­tylǵan. Sol arqyly emdeý meke­mesindegi barlyq qımyl-qozǵalys baqylaýǵa alynyp, zań buzýshylyqtyń jolyn kesýge jaqsy kómek berip otyr. Sondaı-aq búkil bólimshe, zal, galereıa men adam kóp jınalatyn oryndarǵa jedel monıtorıng júrgizetin 75 beınekamera qoıylǵan. Endigi jerde aýrahana ISO 37001:2016 «Sybaılas jemqorlyqqa qarsy is-qı­myl menedjmenti júıesi, talaptar jáne qoldaný jónindegi nusqaýlyq» atty halyqaralyq standarty boıynsha sertıfıkat­taýdan ótpek. Mekeme basshy­synyń aıtýynsha, bul aldaǵy ýaqytta júzege asatyn basty jos­pardyń biri bolyp tur.

Al №1 qalalyq emhanasynyń bas dárigeri Mahambet Beıseýovtiń málimdeýinshe, Shymkentte osy kúnde 13 memlekettik emhana halyqqa sapaly medısınalyq kómek kórsetedi. Emhanadaǵy bar qyzmet aldymen tirkeý ornynan bastalady. Osyǵan baılanysty týyndaǵan kez kelgen suraqqa to­lyq jaýapty naýqas sol tirkeý ornyndaǵy mamandardan ala alady. Sonymen qatar qosymsha ınfo­­bokstar tıisti aqparat berýge ázir. Kelýsherdiń óz-ózine qyzmet kórsetetin arnaıy buryshy da uıymdastyrylǵan. Atalǵan em­­ha­nanyń birinshi qabatynda naý­qastarǵa qoldaý sharalaryn usy­natyn qyzmet, front-ofıs bar, komplaens-ofıser týyn­daǵan máselelerdi sheshýge da­­ıyn. Máselen, ol emhanaǵa tirkelý, qajetti medısınalyq qyzmet túrlerin alý, jumysqa baılanysty tirkeý ýchaskesin aýystyrý, tegin dári-dármekpen qamtylý sekildi san alýan máseleler bolýy múmkin.

О́z kezeginde qalalyq klını­ka­­­­lyq balalar aýrýhana­synyń bas dárigeri Dınara Jumadilova da emdeý mekemesinde sybaılas jem­­qorlyqtyń aldyn alý boıynsha atqa­­rylyp jatqan jumystar men tıisti tájirıbesi jóninde baıan­dap berdi.

«Qoǵamnyń eń basty qun­dylyǵy adam deıtin bolsaq, barsha qoǵamnyń aldyndaǵy ózekti máseleniń biri – azamat­tar­dyń den­saýlyǵyn saqtaý. Sonyń ishinde balalar densaýlyǵyn jasqartý eń aldymen sapaly medısınalyq kómekke kelip tireledi Al sybaılas jemqorlyq jaılaǵan jerde sapaly medısına jaıly áńgime qozǵaýdyń ózi artyq. Sondyqtan megapolıstiń jalpy densaýlyq saqtaý júıesimen birge balalar aýrýhanasynyń da basty strategııalyq damý úderisi jeń ushynan jalǵasqan jemqorlyqty túbimen joıýǵa kelip saıady. Osy baǵytta keıingi jyldary emdeý mekemesinde kóptegen ıgi bastama, tyń ádis-tásilder engizilip keledi. Máselen, 2021 jyldan bas­tap shtattyq kestege saı ofıser-komplaens qyzmeti qarastyrylyp, sol bo­ıyn­sha búgingi tańda jaýapty maman bekitilgen», dedi D.Jumadilova.

Sondaı-aq bas dárigerdiń aı­týynsha, megapolıstiń Asar shaǵyn aýdanynda ornalasqan balalar aýrýhanasynda sybaı­las jemqorlyqty boldyrmaý, kórsetiletin medısınalyq qyzmet­tiń sapasyn baqylaýǵa alý ári balalar qaýipsizdigin qam­ta­­­­­masyz etý maqsatynda aýrý­ha­nanyń birinshi ǵımara­tynda 200 beınekamera ornatyldy. Onyń 30-y syrtta bolsa, 170 kamera ǵımarattyń ish jaǵyn baqylaıdy. О́z kezeginde aýrýhananyń ekinshi korpýsynda 138 beınekamera jumys is­teıdi. Buǵan qosa atalǵan emdeý uıymynyń basshysy mamandardy jumysqa alýda úmitkerlerge teńdeı múmkindikter beriletinin atap ótti. Sonyń negizinde ashyq áńgimelesý júrgizilip, onyń qory­tyndysyna sáıkes komıssııa ju­mys­qa qabyldaý týraly sheshim qa­byldaıdy.

Jalpy, ashyq ádispen ju­mysqa turý mamandar arasynda ádil básekelestikti kúsheıtse, ol óz kezeginde medısınalyq qyzmet sapasynyń jaqsarýyna tikeleı áser etetini sózsiz. Al jemqorlyq bolǵan jerde adaldyq ta, sapa da qurıtyny ras. Sondyqtan mega­polıstiń medısına salasyna ja­ýapty mamandar qoǵam dertin jeńip shyǵýǵa ózderin múddeli sanaıdy.

ShYMKENT