Foto: Eldar Shekerbektiń jeke muraǵatynan
Bizdiń sportshymyz 10 shaqyrym qashyqtyqty júzip ótip, altyn medal jeńip aldy.
Chempıonatqa Meksıka, Aýstralııa, Ulybrıtanııa, Ispanııa, Italııa, Makedonııa, Fransııa, Egıpet, Polsha jáne basqa da 30 eldiń júzýshileri qatysty.
Eldardyń aıtýynsha, 10 shaqyrymǵa júzý tartysty ótti. Qatysýshylar óte kúshti jáne jeńiske degen yntalary joǵary boldy.
«Oceanman» halyqaralyq júzý jarystary teńizde nemese ashyq sýda ótkiziledi jáne salaýatty ómir saltyn ustanatyn adamdar arasynda jyl saıyn tanymaldylyǵy artyp keledi. Oceanman - bul jyl saıyn álemniń ártúrli bólikterinde birneshe jarystar ótetin birlesken chempıonat. Biliktilik júıesiniń erejesi boıynsha ár kezeńnen alǵashqy 10 áıel men 10 er adam fınalǵa avtomatty túrde ótedi.
Eldar Shekerbek - 2,5 jáne 10 km qashyqtyqtaǵy Qazaqstannyń qazirgi chempıony, 5 km júzýdegi Azııanyń absolıýtti chempıony, 3*500 m estafetada álem chempıony, 10 km qashyqtyqtaǵy Parsy shyǵanaǵynda júzýdiń kúmis jáne qola júldeleriniń ıegeri, 2023 jylǵy Ýnıversıadanyń (BAÁ) jeńimpazy.
