- Qazaqstanda sottan tys bankrottyq rásimin qoldanýǵa 97 myń ótinish qabyldandy. Onyń ishinde 80 myń ótinishke bas tartyldy. 11,7 myńnan astam azamat bankrot dep tanyldy. 25 mlrd teńgeden astam esepten shyǵaryldy. Zańǵa ekinshi deńgeıli banktermen retteý boıynsha qujat qosymshalaryn alyp tastaý, bereshek somasyn jáne kredıtordy kórsetýdi talap etpeý, ólshemsharttady keńeıtý boıynsha ózgertýler ázirlenip jatyr, - dedi Qarjy vıse-mınıstri Erjan Birjanov jýrnalıstermen ótken kezdesýde.
Onyń dereginshe, respýblıka boıynsha Almaty oblysy, Túrkistan oblysy, Almaty qalasy, Jambyl oblysy men Qyzylorda oblysy turǵyndarynan bankrottyqqa eń kóp ótinish túsken.
О́z kezeginde Qarjy mınıstri Mádı Tákıev halyq arasynda bankrottyq boıynsha túsindirme jumystary júrgizýdiń mańyzdy ekenin basa aıtty.
- Eger de adam bankrot dep tanylatyn bolsa, birqatar shekteý sharalary bar. Máselen, shetelge shyǵý, qosymsha nesıe alý. Biz zańnamalyq deńgeıde birqatar qujattardy alyp tastap otyrmyz. Bul jeke tulǵalarǵa ótinishti bergen kezde qolaıly jaǵdaı jasaý maqsatynda jasalyp otyr, - dedi vedomstvo basshysy.
