Kollajdy jasaǵan – Qonysbaı ShEJIMBAI, «EQ»
Jaýapty mınıstrliktiń habarlaýynsha, jańa oqý jylynda tehnıkalyq jáne kásiptik bilim berý uıymdaryndaǵy memlekettik bilim berý tapsyrysynyń kólemi 60 myń orynǵa kóbeıedi. Osylaısha, memlekettik tapsyrys boıynsha qabyldanǵan bilim alýshylar sany 145 myń adamǵa jetedi.
Osyǵan oraı málimdeme jasaǵan Oqý-aǵartý mınıstrligine qarasty tehnıkalyq jáne kásiptik bilim departamentiniń dırektory Áset Muhanbetov: «Memleket basshysynyń tapsyrmasymen suranysqa ıe mamandyqtarǵa tegin tehnıkalyq jáne kásiptik bilim berý boıynsha memlekettik bilim berý tapsyrysy respýblıkalyq bıýdjet esebinen 60 myń orynǵa ulǵaıtyldy. 2025 jylǵa qaraı jastardyń 100%-y suranysqa ıe mamandyqtar boıynsha tegin tehnıkalyq jáne kásiptik bilimmen qamtamasyz etiledi», dedi.
Memlekettik bilim berý tapsyrysy tehnıkalyq mamandyqtar boıynsha ulǵaıady: geologııa, mashına jasaý, energetıka, IT, metallýrgııa, kólik t.b. Búginde tehnıkalyq jáne kásiptik bilimdi memlekettik tapsyryspen qamtý 80%-ǵa jetip otyr.
Aıta keteıik, jyl saıyn kásiporyndardyń ótinimderi boıynsha 10 myń talapker qabyldanady. Tapsyrys berýshi kásiporyndarǵa praktıka uıymdastyrý, túlekterdi odan ári jumysqa ornalastyrý boıynsha mindettemeler beriledi.
