Búginde О́skemende qabyrǵaǵa sýret salý jaqsy úrdiske aınala bastady. I.Esenberlın dańǵyly boıyndaǵy bes qabatty kirpish úıdiń qabyrǵasyna túsken Alash kósemi Álıhan Bókeıhan portreti kúlli qazaqtyń rýhyn kótergendeı.
Taıaýda qos sýretshi Erjan Tanaev pen Álı Zakır qylqalamyn arqalap, Almatydan taǵy keldi. Bul joly Qazybek bı dańǵyly boıyndaǵy toǵyz qabatty úıdiń qabyrǵasyna maıdanger Qurmat Rahımovtyń portretin beıneledi. Aıta keteıik, ardager aqsaqal bıyl ǵasyr toıyn toılaıdy. Qyrqynshy jyldary ot pen oqtyń ortasynda júrgen batyr babaǵa qala ákimdigi tarapynan kórsetilgen qurmet retinde sýretin úlken dańǵyldyń boıyndaǵy qabyrǵaǵa salǵyzdy. 1943 jyly nebári 16 jasynda eńbek armııasyna alynǵan Qurmat aqsaqal alǵyrlyǵymen kózge túsip, 1944 jyly 579-atqyshtar polkinde japon maıdanynda bolǵan.
Sonymen qatar sýretshiler 19-shaǵyn aýdandaǵy kópqabatty úılerdiń taǵy birine polısııa qyzmetkerlerine arnalǵan mýral saldy.
– Aýa raıy kedergi bolmasa, bir muraldy úsh-tórt kúnde salyp tastaımyz. Árıne, ońaı jumys emes. Aldyn ala arnaıy qurylǵymen qabyrǵaǵa sýrettiń kontýryn túsirip alamyz. Sodan keıin baryp boıaımyz, – deıdi qylqalam sheberi Erjan Tanaev.
Kóshelerdiń kórki kirip, mándi de sándi sýretterdiń salynyp jatqanyna turǵyndar da qýanyshty. Qalalyqtar men qonaqtar menmundalap turǵan qabyrǵalardyń qasynda sýretke túsip máz.
О́skemen
