Foto: Vıdeodan alynǵan kadr
Qaıǵyly oqıǵa shamamen toǵyz aı buryn bolǵan. Tergeý sottalýshy Darhan Dáýletovtiń tórt jasar Hantóreni uryp-soǵyp, keıin balabaqshaǵa aparǵanyn aıtyp otyr. Kógergen jerlerdi baıqaǵan tárbıeleýshiler anasyn shaqyrǵan. Balanyń jaǵdaıy kúrt nasharlap, esinen tanyp qalǵan. Aýyr soqqy saldarynan balanyń baýyry jarylyp, aqyr sońynda qaıtys boldy. О́geı áke balanyń týǵan ákesine kek saqtap, óshin osylaı almaqshy bolǵany aıtyldy. Osyǵan qaramastan sottalýshy óz kinásin moıyndamaı, balanyń abaısyzda baspaldaqtan qulap ketkenin alǵa tartty. Alaıda, balanyń soqqy saldarynan qaıtys bolǵany dáleldendi.
Dáýletov toǵyz aıdan beri qamaýda otyr. Sotta ol bolǵan oqıǵanyń kisi óltirý emes, oqys oqıǵa ekenin aıtty. Onyń aıtýynsha, bala qyrsyq bolǵan, aıaǵynan shalynyp, baspaldaqtan qulaǵan. Aıyptalýshy aram pıǵyly bolmaǵanyn aıtyp, ógeı ulymen qarym-qatynasy jaqsy bolǵanyn aıtty. Sońǵy sózinde ógeı áke sottan jeńil jaza surady.
«Balamen jaqsy qarym-qatynasta boldym. Samal ulyn maǵan senip tapsyrdy. Meniń Hantóremen jasty inim bar. Men balaǵa zııan tıgizgim kelmedi. Taǵylǵan aıyppen kelispeımin. Qurmetti sot, men áli jaspyn. Bul oqıǵadan ómir boıyna sabaq alýǵa ýáde beremin», dedi sottalýshy.
Sýdıa Baqythan Bákirbaev 19 jastaǵy sottalýshyny kámeletke tolmaǵandarmen jumys isteýge tyıym sala otyryp, 20 jylǵa bas bostandyǵynan aıyrdy. Sottalǵan azamat jazasyn ortasha qaýipsiz mekemede óteıdi.
Balanyń anasy oqıǵaǵa qatysty túsinikteme berýden bas tartty, al kishkentaı Hantóreniń ákesi moraldyq shyǵyndy óteý máselesin qozǵady. Advokattar sottalýshydan 80 mıllıon teńge kóleminde ótemaqy talap etkenimen, sot tek 10 mıllıondy ǵana óndirip berdi.
