Boks • 23 Mamyr, 2024

Parıj-2024: Qazaq boksshylary sońǵy joldamalardy sarapqa salady

290 ret

kórsetildi

1 mın

oqý úshin

24 mamyr - 2 maýsym aralyǵynda Taıland astanasy Bangkok qalasynda bokstan Parıj Olımpıadasyna joldama úlestiriletin sońǵy týrnır ótedi, dep jazady Egemen.kz.

Dana MYRZAQADIR

Parıj-2024: Qazaq boksshylary sońǵy joldamalardy sarapqa salady

Foto: Qazaqstan boks federasııasy

Ázirge Qazaqstan erler komandasynda 63, 5 kg salmaq dárejesinde lısenzııa qorjynǵa túspedi. Bangkoktaǵy básekede Muhammedsabyr Bazarbaıuly osy salmaqta joldama jolynda sharshy alańǵa shyǵady.

Muhammedsabyr Bazarbaıulynyń salmaǵynda 5 joldama qarastyrylǵan. Jartylaı fınalǵa ótken 4 boksshyǵa lısenzııa berilip, 1/4 fınalda jeńilgen sportshylar ózara qosymsha jekpe-jek ótkizedi.

Áıelder komandasy:

50 keli. Nazym Qyzaıbaı;
54 keli. Uljan Sársenbek;
60 keli. Rımma Volosenko;
66 keli. Natalıa Bogdanova;
75 keli. Valentına Halzova.

«Nazym Qyzaıbaı (50 keli), Uljan Sársenbek (54 keli), Natalıa Bogdanova (66 keli) jáne Valentına Halzovanyń (75 keli) salmaq dárejelerinde 4 adamǵa lısenzııa beriledi. Árqaısynda jartylaı fınalǵa shyqqan 4 sportshy joldama ıegeri atanady. Tek 60 kelide úsh lısenzııa bar. Rımma Volosenkonyń salmaǵynda qos fınalıstke joldama qarastyrylǵan jáne jartylaı fınalda jeńilgen eki boksshy ózara úshinshi lısenzııany sarapqa salady», delingen Qazaqstan boks federasııasynyń habaralmasynda.

Búgin, 23 mamyrda jerebe tartylyp, alǵashqy qarsylastar anyqtalady.