Foto: openbusiness.ru
Vedomstvonyń baspasóz qyzmeti habarlaǵandaı, jazǵy demalysqa deıin sýmen qamtamasyz etý, azyq-túlik sapasy men gıgıenalyq talaptarǵa baqylaýdy kúsheıtý jumystary júrgizilip jatyr.
«45 maýsymdyq qala syrtyndaǵy demalys oryndary baqylaýǵa alyndy. Búkil maýsym boıy mamandar sý qoımalary men bassenderdiń jaı-kúıine turaqty monıtorıng júrgizetin bolady. Sondaı-aq lagerlerdiń aýmaǵy qorshalyp, tazalyǵy, azyq-túlikpen jáne medısınalyq kómekpen qamtamasyz etilýi de - basty talaptardyń biri. Lager ıeleri balalar kelgenge deıin lagerlerdiń daıyndyǵyn tekserýi kerek. Ata-analar balalaryn lagerge jiberer aldynda olardyń densaýlyǵyn qadaǵalap, lager týraly aqparattardy bilgeni zálim. Eger quqyq buzýshylyqtar bolsa, bul týraly tıisti uıymdarǵa habarlaý qajet», delingen Densaýlyq saqtaý mınıstrliginiń habarlamasynda.
Bólim balalardyń qaýipsiz demalýy úshin saqtalýy tıis birqatar usynystar berdi.
Jazǵy balalar uıymdarynyń ıeleri:
- Balalardyń kelýi bastalǵanǵa deıin lagerlerdi ashýǵa ýaqtyly jáne sapaly daıyndaýdy qamtamasyz etý jáne lagerdiń belgilengen sanıtarııalyq-epıdemıologııalyq talaptarǵa sáıkestigin rastaıtyn sanıtarııalyq-epıdemıologııalyq qorytyndyny alýy tıis.
- Jumysqa ruqsaty bar jeke medısınalyq kitapshalary joq adamdardy balalarmen jáne as blogymen jumys isteýge jibermeýi tıis. Qyzmetkerlerdi medısınalyq qarap-tekserýge ýaqtyly jiberýi tıis.
- Balalardyń sany lagerdiń qýatyna (jatyn bólmeleri, as blogyndaǵy tehnologııalyq jabdyqtar) sáıkes kelýi tıis.
- Balalardyń syrqattanýynyń alǵashqy belgilerinde – jaqyn jerdegi medısınalyq uıymǵa habarlasýy tıis.
Ata-analar:
- Lagerdi tańdaý kezinde Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń saıtynda ornalastyrylǵan balalardy saýyqtyrý uıymdarynyń tizbesin basshylyqqa alýy tıis.
- Balany qala mańyndaǵy lagerge jibermes buryn onyń jaı-kúıin tekserý kerek. Balanyń allergııasy, sozylmaly aýrýlary jáne taǵamdyq artyqshylyqtary týraly alyp júretin adamǵa (pedagogqa) aldyn-ala eskertýi, bul týraly balanyń medısınalyq anyqtamasynda da jazylýy kerek.
- Buzýshylyqtardyń barlyq faktileri boıynsha Komıtettiń aýmaqtyq bólimshesine júginý qajet (baılanys telefondary men mekenjaılary resmı saıttarda ornalastyrylǵan).
Altynaı ABDYSh,
EUÝ stýdenti
