Áıel salamattylyǵynyń qoǵamdyq mańyzy

Otyrysqa oblys ákimderiniń orynbasarlary, ortalyq memle­ket­tik organdardyń ókil­deri qatysty. Jıynda Ulttyq komıssııa tóraǵasy Aıda Balaeva halyqtyń reprodýktıvti densaý­ly­ǵyn qorǵaý memlekettik saıa­sat­tyń basym baǵyty bolyp qala beretinin atap ótti.

«Bul másele jalpyulttyq mańyzǵa ıe, óıtkeni biz sala­ýat­ty ult, eldiń bolashaǵy týraly aıtyp otyrmyz. Jasóspirim qyzdar men fertıldi jastaǵy áıelderdiń reprodýktıvti den­saýlyǵyn saqtaý jáne ny­ǵaı­tý, olardyń bala týý týraly jetkilikti aqparat alyp, sheshim qabyldaý múmkindigin arttyrý, júktilik jáne bosaný kezindegi táýekelderdi azaıtý maqsatynda áleýmettik-ekonomıkalyq jáne emdeý-profılaktıkalyq sharalar kesheni iske asyrylýda. Bizdiń sarapshylar medısınalyq ınfraqurylymnyń úzdiksiz jumysyn qamtamasyz etý, ana ólimin azaıtýǵa múmkindik bere­tin sharalar keshenin qa­byl­daý qajettigin atap ótti. Jalpy, bar­­lyq ýákiletti organ­dar­dyń bel­sendi júıeli jumysy qajet dep sanaımyn», dep atap ótti mınıstr.

Densaýlyq saqtaý vıse-mınıstri Aıjan Esmaǵambetova osy saladaǵy qazirgi jaǵdaı men jumys júıesin jetildirý sharalary týraly habardar etti. Al senator Lázzat Qaltaeva oty­rysqa qatysýshylardyń nazaryn múgedektigi bar áıelderge medısınalyq qyzmet kórsetýdiń prob­lemalyq máselelerine aýdar­dy. О́z kezeginde Ulttyq komıs­sııanyń múshesi, qoǵam qaı­ratkeri Toǵjan Qojaly shal­­­ǵaıdaǵy aýyldarda áıel­derge kómek kórsetetin aký­sher­lik-gınekologııalyq qyz­met­tegi birqatar máselelerdi atap ótti.

О́ńirlerdegi aýyl­dyq aýrýhana­­­­lar­ǵa, feldsherlik pýnkt­­terge baryp, osy másele­lerdi egjeı-tegjeıli zerdelegen Ulttyq komıssııa sarapshylary densaýlyq saqtaý menedjerlerimen, dári­ger­lermen jáne pasıenttermen kezdesý barysynda áıelderdiń reprodýktıvti densaýlyǵyn qorǵaý úshin ınfraqurylymnyń úzdiksiz jumys isteý máselesine nazar aýdardy.

Komıssııa otyrysynda áıel­der konsýltasııalary, per­zent­hanalar, otbasyn jospar­laý kabınetteri, aýyldyq aýrýha­nalar, jastar densaýlyq orta­lyq­tary ádistemelik turǵyda kómek kórsetýdi qajet etetini aı­tyldy.

Sondaı-aq otbasyn josparlaý kabınetteriniń jetkilikti sanyna qaramastan, júktiliktiń 40%-y josparlanbaǵany, al pregravıdarlyq daıyndyqtan ótken juptardyń úlesi 30%-dan aspaıtyny sóz boldy. Osy tur­ǵyda atalǵan jumysty uıym­das­tyrýdyń tásilderin qaıta qaraý usynyldy.

Azamattardyń óz densaý­ly­ǵyn saqtaý men nyǵaıtýda jaýapkershiliktiń tómendigi osy proseske barlyq ýákiletti organdardyń atsalysýyn qajet etedi. Qoǵamdyq uıymdar, sa­rap­tamalyq jáne ǵylymı qo­ǵam­dastyq halyq arasynda, maqsatty aýdıtorııalar arasynda túsindirý jumystaryn júrgizýge tıis.

Otyrysty qorytyndylaı kele, Ulttyq komıssııa tóraǵasy Densaýlyq saqtaý mınıstr­li­giniń jergilikti atqarýshy organdarmen, oqý-aǵartý, ǵylym jáne joǵary bilim mı­nıstr­likterimen birlesip, fertıldi jastaǵy qyzdar men áıelder­diń densaýlyǵyn saqtaý, jasós­pi­rim­derdiń reprodýktıvti den­saý­lyǵyn nyǵaıtý, sondaı-aq jastardy sanaly ata-ana bolýǵa daıyndaý jóninde sharalar keshenin qabyldaý qajettigin atap ótti.

Aıta keteıik ulttyq komıssııa jasóspirim qyzdarǵa medı­sı­nalyq qyzmet kórsetýdiń jáne akýsherlik-gınekologııalyq qyz­mettiń óńirlik deńgeıde fer­tıldi jastaǵy áıeldermen ju­mystyń egjeı-tegjeıli monı­torıngin jalǵastyrady.