Foto: Densaýlyq saqtaý mınıstrligi
Mınıstr Aqmaral Álnazarova álemdik densaýlyq saqtaý salasynyń ańyzyna jáne otandyq medısına maqtanyshyna aınalǵan akademık Tóregeldi Sharmanovtyń qaıtys bolýyna baılanysty qaıǵyryp kóńil aıtty.
Ol Tóregeldi Sharmanulynyń elimizdiń densaýlyq saqtaý salasyna qosqan úlesi jáne onyń medısınalyq qoǵamdastyqqa ǵana emes, respýblıkanyń barlyq azamattaryna kórsetken kómegin baǵa jetpes dep baǵalady.
«Ol búkil ómirin otandyq medısınany damytýǵa arnady.
12 jyl boıy Tóregeldi Sharmanuly Densaýlyq saqtaý mınıstrligin basqaryp, medısınalyq-sanıtarııalyq alǵashqy kómektiń teńdesi joq júıesin qurdy. 1974 jyldan bastap elimizdiń jetekshi ǵylymı uıymdarynyń biri – Qazaq taǵamtaný akademııasynyń turaqty basshysy boldy.
Tóregeldi Sharmanuly áleýmettik-gýmanıtarlyq saladaǵy úzdik jetistikteri jáne densaýlyq saqtaýdy damytýǵa qosqan zor úlesi úshin berilgen Qazaqstan Respýblıkasynyń eń joǵary dárejeli erekshelik belgisi - Eńbek eri ataǵyn, sondaı-aq Dúnıejúzilik Densaýlyq saqtaý uıymynyń eń joǵary dárejeli erekshelik belgisi - Leon Bernard syılyǵyn qosa alǵanda kóptegen marapattarǵa ıe boldy, bul onyń halyqaralyq arenadaǵy aıryqsha eńbegin kórsetedi», delingen mınıstrdiń qazanamasynda.
Akademık Sharmanov Tóregeldi Sharmanulynyń esimi medısına tarıhyna altyn áriptermen jazylǵan jáne bolashaq urpaq úshin úlgi bolady.
