Oblystyń aldyńǵy qatarly bilim ordalarynyń biri - Sátbaev qalasyndaǵy B.Momyshuly atyndaǵy mektep-gımnazııa. Tarıhy 1974 jyldan bastalatyn oqý ornyndaǵy sońǵy qońyraý saltanatyna Qazaqstannyń Eńbek Eri, Sátbaev qalasynyń Qurmetti azamaty, kenshi Tursynbek Maqyshev kelip qatysty. Ol jas túlekterge quttyqtaý lebizin bildirdi.
«Eńbekti súıińizder. Adal eńbekke súıengen azamattyń almaıtyn asýy bolmaıdy. Báriń de ózderiń qalaǵan mamandyq ıesi atanyńdar. Ulytaý - jańa, jas oblys. Osy eldiń erteńi - ózderiń. Joǵary bilim ıesi atanǵan soń, týǵan ólkege qaıta oralyp, ony túletýge atsalysyńdar», dedi Tursynbek Maqyshev.
Onyń sózi jas urpaqqa degen aǵa býynnyń amanatyndaı sezildi.
Ulytaý oblysy,
Sátbaev qalasy
