«Bıyl mektep bitirýshi túlekterdiń 233-i «Altyn belgige», al 328 oqýshy «Úzdik attestat» alýǵa úmitker», deıdi oblystyq bilim basqarmasynyń basshysy Aıgúl Myńbaeva. 28 mamyr men 11 maýsym aralyǵynda ótetin Ulttyq biryńǵaı testileý synaǵyna 5 627 oqýshy qatysýǵa nıet bildirgen. Túlekterge attestat tabystaý rásimi «Jolyń bolsyn, jas túlek!» degen ataýmen 14 maýsym kúni ótedi.
О́ńirde oqýshylardyń jazǵy demalysyn, bos ýaqytyn uıymdastyrý jáne saýyqtyrý maqsatynda ádettegideı keshendi is-shara josparlanǵan. Jazǵy lagerlerdiń kúntizbelik jospary men baǵdarlamasy ázirlendi. Sanıtarlyq-epıdemıologııalyq baqylaý basqarmasy mamandary lagerlerdi aralap, daıyndyǵyn tekserip jatyr. Jazǵy demalysty uıymdastyrý, balalardy saýyqtyrý jáne jumyspen qamtý máseleleri boıynsha bilim bólimderiniń jaýapty mamandary, qala syrtyndaǵy lager basshylary bas qosyp, semınar-keńes ótkizdi. Bilim basqarmasy aldaǵy jazda 106 935 oqýshy nemese barlyq shákirttiń 94,7%-y demalyspen, jumyspen, saýyqtyrý sharalarymen qamtylady dep otyr.
– Bıyl jazda óńirde 619 lager jumys isteıdi dep josparlap otyrmyz. Onyń 18-i – qala syrtyndaǵy lager, 268-i – mektep janyndaǵy tamaqtanýy uıymdastyrylatyn lager, 327-si – mektep janynan as berilmeıtin lager jáne beıindik alańdar, sondaı-aq 6 shatyrly lager bolmaq, – deıdi Aıgúl Ádilgereıqyzy.
Oblysta jetim jáne ata-anasynyń qamqorlyǵynsyz qalǵan otbasynan shyqqan jáne az qamtylǵan otbasynan shyqqan balalar tolyǵymen, múmkindigi shekteýli balalardyń 94%-y, devıantty minez-qulyqty oqýshylardyń 98,2%-y jazǵy demalyspen tegin qamtylǵaly otyr.
«О́ńirde 109 494 oqýshy jumyspen qamtylady», deıdi basqarma basshysy. Sonyń ishinde 15 640 oqýshy eńbekpen, 6 101 oqýshy týrıstik saıahatpen, 53 851 oqýshy shyǵarmashylyq, 33 163 oqýshy ıntellektýaldyq, 739 oqýshy halyqaralyq is-sharalarmen qamtylmaq.
«Qazaqstan halqyna» qoǵamdyq qory bıyl daryndy aýyl balalarynyń ıntellektýaldyq, shyǵarmashylyq qabiletin jetildirý jáne qoldaý kórsetý maqsatynda «QH Jazdyq joldama» qaıyrymdylyq jobasyn bastaǵan eken. Osy joba aıasynda 5-8-synypta oqıtyn aýyl balalaryn saýyqtyrý úshin 829 oqýshyǵa kvota berilgen. «Qazir daıyndyq jumysy júrip jatyr», deıdi Aıgúl Ádilgereıqyzy.
Bıyl Batys Qazaqstan oblysynda sý tasqynyna baılanysty tótenshe jaǵdaı jarııalanǵan bolatyn. Osyǵan oraı tasqynnan zardap shekken otbasynyń 183 balasy sáýir aıynda túrli saýyqtyrý lagerlerinde demalyp qaıtty.
Oqý-aǵartý mınıstrligi bekitken kvotaǵa sáıkes «Baldáýren» respýblıkalyq oqý-saýyqtyrý ortalyǵynyń fılıaldaryna sý tasqynynan zardap shekken 160 oqýshy mamyr aıynda saýyqtyrýǵa jiberildi.
Budan basqa sý tasqynynan zardap shekken otbasynyń balalary aýdandyq, qalalyq, qala syrtyndaǵy jáne mektep janyndaǵy lagerlermen qamtamasyz etilmek. Sondaı-aq basqa óńirlerdegi, mysaly, Býrabaı lagerine jáne Astana, Túrkistan qalalaryna ekskýrsııalarǵa joldama berý qarastyrylǵan.
– О́ńirdiń bilim salasynda qolǵa alynǵan ınfraqurylymdyq jobalar az emes. Oqý jyly aıaqtalysymen, mamyr aıynyń aıaǵynda 4 bilim berý nysanynyń kúrdeli jóndeý jumysyn bastaımyz. Oblys boıynsha qazirgi tańda 8 myńnan astam balany qamtıtyn barlyǵy 12 mekteptiń qurylysy júrip jatyr, – deıdi oblys ákiminiń orynbasary Baqytjan Narymbetov.
Aıta keteıik, bıyl óńirdegi irgeli bilim ordalarynyń biri – daryndy balalarǵa arnalǵan S.Seıfýllın atyndaǵy №11 mektep-ınternaty ǵasyrlyq mereıtoıyn, Dına Nurpeıisova atyndaǵy mýzyka mektebi – 90 jyldyǵyn atap ótip jatyr. Osyǵan oraı bul mektepterdiń ǵımaraty jazda kúrdeli jóndeletin boldy. Sondaı-aq Oral qalasynda 1 800 bala oqyp jatqan №17 mektep pen Qurylysshy shaǵyn aýdanyndaǵy 2 myń bala bilim alatyn №9 mektep ǵımarattaryna da kúrdeli jóndeý jasalady. Bul jumystar QPO kompanııasynyń áleýmettik ınvestısııalary esebinen júzege asyrylmaq.
«Buǵan qosa Jańaqala aýdanyndaǵy Karmanovka mektebin «Aýyl – el besigi» baǵdarlamasy aıasynda kúrdeli jóndeýge qarjy bólindi. Al Prezıdent bastamasymen qolǵa alynǵan «Jaıly mektep» ulttyq qanatqaqty jobasy aıasynda óńirde 9 mekteptiń qurylysy júrip jatyr», deıdi Baqytjan Haberuly.
Osynyń ishinde 3 mektep Oral qalasynda salynady. Olar – Balaýsa shaǵyn aýdanynda 1 500 oryndyq, Derkól kentinde 1 500 oryndyq, medkolledj aýmaǵynda 600 oryndyq mektep. Aqsaı qalasynda da 300 jáne 900 oryndyq eki mektep salynady. Bórli aýdanynyń Pýgachev aýylynda – 300 oryndyq mektep, Báıterek aýdanynyń Baıqonys aýylynda – 600 oryndyq, Dostyq aýylynda – 1 200 oryndyq mektep salynady. Terekti aýdanyna qarasty Podstepnoe kentinde 1 200 oryndyq mektep qurylysy júrip jatyr. Sondaı-aq Bilim berý ınfraqurylymyn qoldaý qory esebinen Oral qalasynda 400 oryndyq №31 mektep qurylysy bastalyp ketti.
Bórli aýdanynyń Jarsýat aýylynda, Qaztalov aýdanynyń Saraljyn aýylynda QPO kompanııasynyń áleýmettik esebinen shaǵyn jınaqty mektep qurylysy júrip jatyr. Qyrkúıek aýylynda alǵashqy qońyraý soǵylmaq.
Batys Qazaqstan oblysy
