Foto: gov4c.kz
Bas prokýratýranyń Quqyqtyq statıstıka jáne arnaıy esepke alý jónindegi komıteti men onyń aýmaqtyq organdarynyń arhıvteri sheginde ózge de arhıvtik anyqtamalar, úzindiler men qujattardyń kóshirmelerin alýǵa bolady.
Arhıvtik anyqtamany alý úshin:
- Elektrondyq sıfrlyq qoltańbanyń kómegimen egov.kz portalyna nemese telefon nómirińizge keletin bir rettik qupııa sóz arqyly ótińiz.
- Suraý salýdy resimdeý satysynda «Azamattarǵa arnalǵan úkimet» memlekettik korporasııasynyń fılıalyn tańdańyz.
- Arhıvtik anyqtamanyń qaǵaz nusqasy, kem degende 8, al shalǵaı aýdandar úshin 10 jumys kún ishinde beriledi.
Aıta keteıik, Qazaqstanda 125 myńnan astam adam qýǵyn-súrginge ushyrap, 25 myń adam atý jazasyna kesilgen. Jazyqsyz jazalanǵandardyń qatarynda Á.Bókeıhan, A.Baıtursynuly, M.Tynyshbaev, M.Dýlatuly, T.Rysqulov, M.Jumabaev, S.Seıfýllın, I.Jansúgirov, B.Maılın, S.Asfendııarov syndy qaıratkerler men ult zııalylary bar.
1993 jyly «Jappaı qýǵyn-súrgin qurbandaryn aqtaý» týraly zań qabyldanǵan edi. Sonyń nátıjesinde jazyqsyz jala jabylǵandar aqtaldy. Aqtaý sharalary áli de jalǵasyp jatyr.
Erlan KIIKBAI,
L.N.Gýmılev atyndaǵy EUÝ stýdenti
