Asqar Muqııat ózbekstandyq baıqaýda Abaı Qunanbaıulynyń óleńine jazylǵan Sydyq Muhametjanovtyń "Jaryq etpes qara kóńilim ne qylsa da" ánin oryndaǵan.
- Eger Alla boıǵa talant násip etse, ony damytý, shyńdaý, dúıim jurtqa pash etý paryz dep bilemin. О́zbekstan Respýblıkasynda ótip jatqan halyqaralyq "OVOZ The Voice" jobasynda Qazaqstan atynan baq synap jatyrmyn. Bul jerde О́zbekstan Respýblıkasynyń Halyq ártisi Farrýh Zakırov, mádenıet jáne týrızm mınıstri Ozadbek Nazarbekov, tanymal ánshi Sevara Nazarhan, Tohır Sodıkov syndy óner maıtalmandary baǵa berdi, - dep jazdy Asqar Muqııat.
Dástúrli ánshi oryndaýy áli de ózine unamaıtynyn, alda kóp jumys isteý kerek ekenin atap ótken. Alaıda ózbekstandyq ádilqazylar Asqar Muqııattyń oryndaý sheberligine tánti boldy.
"Qazaqtarda mundaı keremet daýys óte kóp. Siz – sonyń jarqyn úlgisisiz", "Maǵan sizdiń ándi jetkizgenińiz unady. Dál qazir sizdi basqa qazaqstandyq ánshilermen salystyra almaımyn. Osy án arqyly erekshelenip tursyz", "Bul án sizge jarasady", - dedi ádilqazy músheleri.
Artynsha olar qazaq tilindegi "Qustar qaıtyp barady" ánin qosyla oryndady.
Al Asqar Muqııattyń tańdaýy Ozadbek Nazarbekovke tústi. Osylaısha otandasymyz ózbekstandyq jobada óner kórsetýdi jalǵastyratyn boldy.
Asqar Muqııattyń oryndaýshylyq sheberligine jeli oqyrmandary da tańǵaldy.
