Foto: kaz.tengrinews.kz
Is-shara barysynda Memleket basshysy otandyq densaýlyq saqtaý salasy tóńireginde sóz qozǵady.
«Medısına, farmasevtıka, bıotehnologııa salasyndaǵy ǵalymdarymyzdyń áleýeti óte joǵary. Elimizde suranysqa ıe preparattardyń balamasyn, vaksınalardy jáne basqa da medısınalyq ónimderdi óndirýge qabiletti iri kásiporyndar tabysty jumys istep jatyr», dedi Qasym-Jomart Toqaev.
Prezıdenttiń aıtýynsha, halyqty otandyq medısınalyq buıymdarmen jáne dári-dármekpen qamtamasyz etý deńgeıin kezeń-kezeńimen kóterý mańyzdy. Osy salada halyqaralyq deńgeıdegi jetekshi kompanııalarmen qarym-qatynas ornatylyp jatyr.
«Otandyq densaýlyq saqtaý salasynyń damýy halyqtyń ortasha ómir súrý uzaqtyǵynan kórinedi. Qazaqstanda bul meje 75 jastan asty. Biraq osy kórsetkish boıynsha álemdegi jetekshi elderden ondaǵan jylǵa artta qalyp qoıdyq. Bul – biz umtylatyn maqsattyń biri», dep qosty Memleket basshysy.
